BYA HANNINGTON NKALUBO

PULEZIDENTI wa DP Nobert Mao yeekokodde akalulu ka pulezidenti akawedde n'ategeeza nti tekaalimu mazima na bwenkanya era awagidde Pulezidenti wa NUP, Robert Kyagulanyi okugenda mu kkooti akawakanye.

Yagambye nti abalamuzi banoonyereze bulungi ku nsonga z'ekibiina kya NUP ezaatwaliddwa mu kkooti kubanga zigyayo embeera eyaliwo era naye ateesa ne Kyagulanyi okulaba nti omusango guwangulwa. Yagambye nti alagidde ne bannamateeka b'ekibiina kya DP okuyamba ku bannamateeka ba NUP mu kkooti.

Mao kasookedde ava mu kalulu abadde yasirika nga tatuuzangako lukiiko lwa bannamawulire ku kitebe ky'ekibiina ku City Hause. Yavuddeyo ggulo ku lunaku lw'okujjukira Luwum gwe yayogeddeko nti yalwanyisa nnyo okutulugunya n'okunyigirizibwa okwali kukolebwa ku bannansi n'asaba ebikolwa ebyaliwo bireme kuddawo.

Okulonda kuno kuyisizza bubi Nobert Mao owa DP. Yafuna obululu 57,682 by'ebitundu 0.56 ku buli 100 okwetoloola eggwanga lyonna ate Robert Kyagulanyi owa NUP n'afuna obululu 3,631,437 , by'ebitundu 35.08 ku buli 100 kyokka nga bino biwakanyizibwa mu kkooti ate Pulezidenti Museveni owa NRM naalangirirwa ku buwanguzi n'obululu 6,042.896.

Mao yakirizza nti yakola bubi mu kalulu lwa nsonga nti yafuna okulwanyisibwa kungi okaali n'okuyingirira bammemba n'obukiiko bw'ekibiina obwa wansi ne babutabula n'okubuzaabuza bammemba.

Yavumiridde ebikolwa by'okutulugunya n'okuwamba abantu okukaabya bannansi ekiseera kino n'asaba bannaddiini abasisinkanye Pulezidenti Museveni mu kusaba okutegekeddwa e Ntebe okubikomya.

Yagambye nti okulonda kwawedde , DP tegenda kwekubagiza byonna ebyagituseeko bagenda kuddamu kuzimba kibiina bupya era akakasa nti olumu , Uganda erifugibwaako ku DP okusinziira ku nteekateeka y'ekibiina ekoleddwa.

DP wants monument in honour of Oulanyah

The 56-year-old died in a hospital in Seattle, Washington in the US last Sunday.

DP wants monument in honour of Oulanyah

By NewVision Reporter

Journalists @NewVision