Abarinzi b'enyamaishwa baatambura kurwanisa okwita enjojo

Abarinzi b'enyamaishwa baatambura kurwanisa okwita enjojo 

N’ebya Eli Akiiza

Mbarara:

Abarinzi b’enyamaishwa omu eirindiro erya Lake Mburo eriizooba baatambura okwetooroora omu rurembo rwa Mbarara n’ebicweka ebigyetooroire n’ekigyendererwa ky’okurwanisa okwita enjojo ahabw’omwino gwayo.

Dr. Jim Justus Nyamu owaaba ayebembeire okutambura oku..(Photo by Eli Akiiza)

Aba baaba bebeembeirwe Dr. Jim Justus Nyamu kuruga omu eihanga rya Kenya kandi mukuru w’ekitongore kya ‘Elephant Neighbours Center' ekirikurwanirira obugabe bw’enjojo kandi ogu n’omurundi gwe gwa 6 arikutambura omu mahanga ga East Africa arikujanjaaza omuranga ogu.

Omuhwezi wa RCC wa Mbarara City North, Robert Kanusu..(Photo by Eli Akiiza)

Dr. Jim Justus Nyamu owaataahire omu Uganda enshumi nkye ehingwire kurabira ahansharo ya Busia obwa hati yaahika omu kyanga ekya Burengyerwa-eizooba kandi n’ow’okugumizamu kuza omu mahanga nka Rwanda na DRC.

Aba baahika n'omu taxi park kujanjaaza engiri y'okurinda enjojo...(Photo by Eli Akiiza)

Okutambura oku kwahikwamu abandi bakuru abaaba barimu DPC w’orurembo orwa Mbarara, Gad Murungi, RCC wa Mbarara City North, Robert Kanusu, Mukuru w’ekitongore kya NEMA, Bagonza Fred, mukuru w'eirindiro ry'enyamaishwa erya Lake Mburo, Asa Kule Musinguzi hamwe n’abandi.

Abakuru kuruga omu UWA nabo baahika ahakutambura oku..(Photo by Eli Akiiza)

Okutambura oku n’okw’okugumizamu mpaka aha nsharo ya Uganda na Rwanda ahi bakuru b’ekitongore kya UWA barakwatse omukuru ogu Gavumenti ya Rwanda aha biro 29/9/2023.

#WestUpdates