Poliisi ekutte agambibwa okweyita omukozi wa UBOS

POLIISI ekutte agambibwa okweyita omukozi was UBOS n’alimba abantu okubafunira emirimu era n’abaggyako ssente.

Jackson Namoma ye yakwatiddwa abaserikale ku poliisi ya CPS oluvannyuma lw’abamu ku be yaggyako ssente okwekubira enduulu.

Amyuka omwogezi wa poliisi mu Kampala n’emiriraano, Luke Owoyesigyire yagambye nti nga November 1, 2020 abaserikale ba poliisi baakutte Namoma ng’ali ku ofiisi za UBOS n’atwalibwa ku poliisi ya CPS oluvannyuma n’aggulwako omusango gw’okweyita ky’atali oguli ku ffayiro nnamba SD 17/01/11/2020.