Express efungizza
Express 3-0 Wakiso GiantsBUL 4-1 MYDAEXPRESS eyongedde okulaga nga bw’etasaagira mu kikopo kya mwaka guno, bw’ewuttudde Wakiso Giants ggoolo 3-0.Ttiimu zombi zaayingidde ekisaawe e Wankulukuku ku Lwokutaano, nga tewali yaakubiddwaamu mu mipiira gya liigi 9 egyabadde gyakazannyibwa.Mu mipiira gino, Wakiso ebadde erinamu amaliri 8 ne wiini emu.Guno gwabadde gwakubiri nga Express eggyawo likodi ya Wakiso ey’obutakubwa. Ogwasooka gwali gwa kugikubira mwayo e Wakiso, ggoolo 2-1.SSENKAABA NE LWESIBAWAAbateebi ba Express George Senkaaba ne Godfrey Lwesibawa, mu njogera y’ennaku zino oyinza okugamba nti be baliwo. Buli omu yateebye ggoolo emu. Ku ggoolo 19, Express ze yakateeba, balinako 10.Nga bakuba MYDA 4-1, buli omu yateebye 2, Ssenkaaba era n’ateeba nga bawangula BUL 4-0 ne URA 1-0, ate olwo Lwesibawa n’ateeba nga balemagana ne Vipers 1-1, e Wankulukuku.Nga bawangula Villa 1-0 Senkaaba ye yateeba, ate Lwesibawa n’ateeba nga balemagana 1-1 ne Mbarara.Ggoolo ya Express endala yateebeddwa Charles Musiige.WASSWA BBOSA YEEWAANYEMu mipiira esatu egy’omuddi-rihhanwa, Express eteebeddemu ggoolo 11, ekibadde tekitannabaawo mu liigi ya sizoni eno. Bright yeebadde egezezzaako okuteeba ennyingi wabula yaziteebedde mu mipiira 4.Omutendesi wa Express, Wasswa Bbosa yagambye nti eno sizoni yajja na nkuba mpya, n’alabula be batannazannya okubeelinda.“Mukama wange Kiryowa Kiwanuka bwe yampa omulimu n’andagira okutereeza ttiimu, nnakimanyirawo nti nnina okuyiiya ebipya okutuukiriza ekigendererwa kya ttiimu. Buli kiro ntuula mu bitabo n’okutunuulira obutambi bw’abatendesi abakugu okubaako bye mbayigako, era bye bimu ku by’entwala mu bazannyi bange,” Bbosa bwe yategeezezza.BUL ETABUKIDDE MYDAMu ngeri y’emu, BUL FC, ebadde yaakakubwa emipiira esatu egy’omuddirihhanwa, yatabukidde MYDA bwe yagittimpudde ggoolo 4-1. Omupiira guno gwabadde mu kisaawe e Bugembe, era BUL yawezezza obubonero 10 mu mipiira 10.Joseph Semujju, Musa Esenu, Anwar Ntege ne Simon Oketch be baateebedde BUL ate Moses Batali n’ateeba eya MYDA
Express efungizza
By Bukedde Omusunsuzi
Journalists @NewVision
Nga bawangula Villa 1-0 Senkaaba ye yateeba, ate Lwesibawa n’ateeba nga balemagana 1-1 ne Mbarara.
Ggoolo ya Express endala yateebeddwa Charles Musiige.
WASSWA BBOSA YEEWAANYE
Mu mipiira esatu egy’omuddi-rihhanwa, Express eteebeddemu ggoolo 11, ekibadde tekitannabaawo mu liigi ya sizoni eno. Bright yeebadde egezezzaako okuteeba ennyingi wabula yaziteebedde mu mipiira 4.
Omutendesi wa Express, Wasswa Bbosa yagambye nti eno sizoni yajja na nkuba mpya, n’alabula be batannazannya okubeelinda.
“Mukama wange Kiryowa Kiwanuka bwe yampa omulimu n’andagira okutereeza ttiimu, nnakimanyirawo nti nnina okuyiiya ebipya okutuukiriza ekigendererwa kya ttiimu. Buli kiro ntuula mu bitabo n’okutunuulira obutambi bw’abatendesi abakugu okubaako bye mbayigako, era bye bimu ku by’entwala mu bazannyi bange,” Bbosa bwe yategeezezza.
BUL ETABUKIDDE MYDA
Mu ngeri y’emu, BUL FC, ebadde yaakakubwa emipiira esatu egy’omuddirihhanwa, yatabukidde MYDA bwe yagittimpudde ggoolo 4-1. Omupiira guno gwabadde mu kisaawe e Bugembe, era BUL yawezezza obubonero 10 mu mipiira 10.
Joseph Semujju, Musa Esenu, Anwar Ntege ne Simon Oketch be baateebedde BUL ate Moses Batali n’ateeba eya MYDA