Okukozesa caaja enjigirire ky'abulabe eri emmotoka

Bya: Deogratius Kiwanuka

OKUCAAJINGA esimu naddala nga emmotoka entambula kya bulabe singa agivugga obeera tewegederezza. Willison Kasumba makanika okuva ku Auto Spare Garage mu Ndeeba ategezezza ng’abantu bwe bamala gagula caaja ku makubo.

Zino ebiseera ebisinga ziba nkolerere ekiyinza okunafuya bbaatule y’emmotoka nga kiva mu kugatta waya z'omuliro oluusi eziba enkyamu. Ebimu ku bintu ebisinga okukosebwa caaja enjigirire kwekuli:

Bbaatule, zisangibwamu otaneeta nga eno eweereza amasannyalaze agacaajinga bbaatule agadda gali we gabeera gavudde. Bw'ogezaako okukikola nga emmotoka tetokota ate essimu n'ogirwisaako, ebeera enywa omuliro mungi nnyo. Kino bw'okikola emirundi egiddiriggana kiviirako bbaatule okwononeeka, noolwekyo kirungi okucaajinga mmotoka nga etokota.

Kasumba awabudde abavuzi b’emmotoka nti bw'oba oyagadde okucaajinga essimu nga yingini tetokota, tolina kusussa ddakiika 30, kubanga kinywa nnyo omuliro ku bbaatule. Kino kiri wekiti olwesonga nti  singa oteeka ekisumuluzo mu mmotoka, obeera n'ebintu ebirala by'otaddeko okuli leediyo nabyo ebinywa omuliro.

Amafuta, Kasumba ategezeza nga emmotoka bwekozesa amafuta matono olwesonga nti yingini ebeera etokotta newakubadde nga ebeera tetabula. Okucaajingira essimu nga emmotoka etokotta kikedeeza ku mafuta naddala singa okozesa caaja etali ntuufu, eno ebiseera ebisinga etta bbaatule ne kikukaluubiriza okukuba serefu nga wanno amafuta we gasinga okugendera.

Kyokka caaja ezimu naddala enkolerere tezituula bulungi mu kifo we zirina kutuula era kino kireetera waya okukwata omuliro. Guno guyinza okubeera omutono ddala naye tomanya kiki kye gulirannye daddala nga ebiyinza, bino bimanyi okukwata amangu omuliro nga guyinza n’okukwata n'emmotoka yonna.

Kw'otegeerera caaja embi ng'ogitadde mu mmotoka , eviirako yindikeeta z'emmotoka okubeera nga zibeera zikubira kumukumu ng'ezigenda okufa. Buli muvuzi w’emmotka akubirizibwa okugula caaja mu maduuka oba kkampani ezimanyiddwa.