Obulabe ssinga Boneti ya mmotoka yo tenywera

Ssinga omuntu asiba boneti eno n’etenywera efuuka ya bulabe okugeza omuntu asobola okukuba ekinnya nga avuga boneti n’ebuukayo mu kufulu nga tategedde.

Kino kisobola okugiviirako okweggula era singa omuntu abeera ku sipiidi, empewo egisitula ne yeggula n’ebuuka mu banga n’esiikiriza avuga ekiyinza okumuviirako okukola akabenje n’endabirwamu yomu maaso okugyasa olw’amaanyi gejja nago.

Kyokka era ne mukuggula boneti eno olina okugoberera emitendera emituufu nga osumulula kimu ku kimu okwewala okubitta.

Lusiba agamba nti omugoba w’emmotoka nga tannaba kugisimbula asaanye asooke agyekebejje amanye nga buli kimu kiri mu mbeera nnungi okusobola okwewala obubenje obuyinza okubalukawo.