Obulabe obuli mu kulwawo okwoza ttanka y’amafuta ey'ekidduka kyo

James Mugerwa makanika mu  g’galagi  e Bwaise  mu minisipaali y’e Kawempe alaze obulabe obuli mu butayooza mu tanka y’amafuta

Mu kiseera kino ng’amafuta gali ku buseere,  abavuzi b’ebidduka balina okwegenderezza kuba amasundiro agamu gatabika kemiko ez’enjawulo mu mafuta  ekivaako amafuta okuwewuka nga tegazitowa n’agamu nga galimu obucaafu.

Bakanika nga baggya amafuta mu ttanka

Kyandibadde kirungi ttanka y’amafuta go n’ogyoza buli luvannyuma lwa myezi 2. Ttanka y’emmotoka mwe muva amafuta   agagitambuza  nga n’olwekyo bw’ecaafuwala munda sisitiimu (soma system) y’amafuta efuna obuzibu mu ntabuza yaago olwo ebyuma ne bifa nga ne bwe babikanika tebiyinza kutereera.

Ttanka  bw’eba eddugala munda kivaako mmotoka okunywa amafuta era kyandibadde kirungi obutakozesa masundiro mangi ng’oganywa. Okunywa amafuta amatono kivaako ttanka okutalagga munda. Bw’eba ejjulira emitwalo 30 ng’onywa emitwalo 9,  esobola okutalagga  mu bitundu awatali mafuta.  

Ttanka bweba eddugala ammotoka efuna obuzibu mu sisitiimu y’entambuuza y’amafuta ekivaako Fuel Filter okucaafuwala n’efuna obuzibu mu kutambuza amafuta n’okulwawo okukuba ‘serefu’ oba okwaka .

Mu bizibu ebirala mulimu; Nozo okuzibikira  nga tezisoboola kwokya mafuta bulungi , pulaaga zifa mmotoka n’etandika okupipira , Ggeegi ya mmotoka efuna obuzibu mu kubala amafuta n’ebirala.

Kyandibadde kya magezi lwa myezi 3-5 mmotoka n’ogitwala mu galagi ne basumululamu ttanka ne bajoozaamu.