'Musonyiwaganye mu kisiibo ne Katonda ajja kubasonyiwa ebibi byammwe'
ABAKKIRIZA bakubiriziddwa okuteeka mu nkola ebigambo ebirimu ssaala ya ‘Kitaffe ali mu ggulu’ naddala okusonyiwa abaabasobya mu budde buno obw’ekisiibo olwo nabo Katonda lw’anaabasonyiwa.
'Musonyiwaganye mu kisiibo ne Katonda ajja kubasonyiwa ebibi byammwe'
By Emmanuel Ssekaggo
Journalists @New Vision
Bino byayogeddwa Rev. Fr. Godfrey Kato Ssemwogerere, Bwanamukulu w’ekigo ky’e Kamwokya bw’abadde awa obubaka bwe eri abakkiriza obwa buli lunaku.
Fr. Godfrey Kato Ssemwogerere
Fr. Ssemwogerere yagambye nti mu ssaala Yezu gye yayigiriza abatume eya Kitaffe ali mu ggulu, yabakuutira okusonyiwa ababakola obubi era n’abakuutira nti oyo ataasonyiwe munne ne Katonda talimusonyiwa.
Akuutidde abakkiriza okweyambisa ekisiibo kino okusonyiwagana ne Katonda ajja kubasonyiwa olwo emitima gyabwe gibeere miweweevu ebbanga lyonna.