Engeri gy'oziyiza omuliro omungi okugenda ku bbaatule yo

BBAATULE eyinza okufuna ekizibu ky’okubuguma n’etandika okuvaamu omukka. Omugoba w’emmotoka olina okutereeza embeera eno nga tennavaako kwonoona bitundu bya mmotoka birala.

Makanika w’ebidduka Muhammed Kibirige okuva ku Garagi ya Risam e Mengo agamba nti obuzibu buno buva ku bbaatule kuba ng’ebugumye ekisukkiridde. 

1. Okukeberanga obungi bw’amazzi ga bbaatule buli kiseera kuba ne bw’eba egenda okwonooneka ogiraba mangu n’ogikyusa.

2. Okulongoosa bbaatule naddala ebikondo byayo oluusi bigendako ‘carbon’ ng’osobola okufuna amazzi agookya n’obyoza.

3. Okukeberanga emmotoka buli kiseera oluusi eyinza okufa zi dynamo nga totegedde, kirungi okugikola saavisi ate obutabuusa bbaatule maaso kikulu.

Kibirige agamba nti obukulu bwa bbaatule tebugireetera kuvaamu mukka guno kyokka n’empya esobola olw’okuba ebigireetera okuguvaamu biva mu mmotoka yennyini.

Emmotoka ezisinga okufuna ekizibu kino zeezo ennene kubanga zikozesa omuliro mungi okusinga ku ndala ng’esinga zikozesa bbaatule bbiri.