Uganda yaatunga obwebembezi bw’ekigombe ekya NAM

Uganda yaatunga obwebembezi bw’ekigombe ekya NAM

N’ebya Omushaki Weitu

Uganda eriizooba yaatunga obwebembezi bw’ekigombe ekya Non-Aligned Movement (NAM) obwo Purezidenti Yoweri Museveni arikuheebwa obwa Ceeyamaani.

Uganda yaatunga obwebembezi obu kuruga ahari Azerbaijan omu ruteerane rw’omurundi gwa 19 oruriyo nirugyenda omumaisho ahari Speke Resort Convention Center, Munyonyo.

Uganda yaatunga obwebembezi bw'ekigombe ekya NAM...(Photo by Eddie Ssejjoba)

Omu ruteerane oru, Purezidenti Museveni yatooranwa kuba Ceeyamaani wa NAM obwo arikuza omubigyere bya Purezidenti wa Azerbaijan, H.E Ilham Aliyev omunkiro y’emyaka 3.

Ekigombe kya NAM obwahati kirimu amahanga 121...(Photo by Eddie Ssejjoba)

Omu butumwa bwe, Purezidenti Museveni yaamanyisa bakuru b’amahanga n’abandi bakuru ngu Uganda neyenda entunguuka omuby’obushuubuzi, sayansi na tekinologiya omukurwanisa obuhenda biragira n’obuzahambuki.

Purezidenti Museveni naaza omu bigyere bya Purezidenti wa Azerbaijan...(Photo by Eddie Ssejjoba)

Hoona Purezidenti yaajumirira amahanga agatungukire agarikunyangaraza amahanga agandi.

Minisita w’enshonga z’aheeru y’eihanga erya Azerbaijan, H.e Jeyhun Bayramov owajwekyera H.E Aliyez yatabarusya Purezidenti Museveni ahabw’okutooranwa kwebembera NAM kanyi yamuhaamiza ngu eihanga ryabo niryija kumuha obushagiki.

Eizooba n'ekiro kyakataano ky'orukiiko rwa NAM ahari Speke Resort, Munyonyo...(Photo by Eddie Ssejjoba)

H.E Dennis Francis, Purezidenti wa 78 w’orukiiko orwa United Nations General Asembly yaagira ngu aine amatsiko ngu Purezidenti Yoweri Museveni naija kuhwera NAM okuraba omu buremezi bwona oburiho ahabw’obwebeembezi bwe n’obwengye.

#WestUpdates
#NAMSummitUg2024 | #G77ChinaSummitUganda24 | #KaribuUganda