Uganda etongoize ehururu y’okutunguura eby’oburambuzi omuri Bunyoro.
Butime naagira ngu Bunyoro eine emyanya mingi y’eby’oburambuzi beitu hoona ekitongore kiriyo nikikora n’abu kirikukwataho kureeba ngu abantu baamanya emyanya egi kandi bagirambura.
Omu kurambura omuri Bunyoro, abagyenyi nibaija kurambura emyanya erimu ekitagata ekya Kibiro hamwe n’emyanya y’okutimbamu omwonyo n’endiijo nyingi. Photo by Wilson Asiimwe.
By NewVision Reporter
Journalists @NewVision
N’ebya Wilson Asiimwe
Ehururu y’okutunguura eby’oburambuzi omu kyanga ekya Bunyoro omu Uganda eriyo negyenda omu maisho omu kyanga eki.
Gavumenti ya Uganda erikurabira omu kitongore ky’eby’oburambuzi eriizooba Orwakana ebiro 28/09/2023 neija kutongozaho ehururu egi ey’okutunguura eby’oburambuzi erikuza kumara ebiro 10.
Okurugiirira ahari (Rtd) Col. Tom Butime, Minisita w’eby’oburambuzi- abagyenyi nibateekateekwa kutaayaayira emyanya etari emwe ey’eby’oburambuzi omu bicweka bitari bimwe by’omu kyanga ekya Bunyoro.
“Ekigyendererwa ky’ehururu egi n’okwenda kworeka eby’oburambuzi ebiri omu kyanga ekya Bunyoro, omukoro ogu ni gumwe ahamikoro erikukorwa omu kujaguza ekiro ky’eby’oburambuzi eky’ensi ekya International Tourism Day ekibaire omuri Hoima Orwakashatu ebiro 27/09/2023,” Butime arikushoboorora.
Butime naagira ngu Bunyoro eine emyanya mingi y’eby’oburambuzi beitu hoona ekitongore kiriyo nikikora n’abu kirikukwataho kureeba ngu abantu baamanya emyanya egi kandi bagirambura.
Omu kurambura omuri Bunyoro, abagyenyi nibaija kurambura emyanya erimu ekitagata ekya Kibiro hamwe n’emyanya y’okutimbamu omwonyo n’endiijo mingi.
#WestUpdates