Bright Muhumuza naajunaanwa ogw'okuvuga kubi - Kooti
Ekikorwa eki, nagambwa kuba yakikozire ahabiro 08.11.2025 omu kyaro ekya Kyamugorani omuri Mbarara City.
Bright Muhumuza ori omunkomo ahamushango gw'okuvuga kubi akenda kutomera ow'eby'okwerinda. PHOTO: ANGELLA NATURINDA
N'ebya Edson Kinene
Omushugaanisa w’ekigombe ekya National Unity Platform (NUP) ahabw’ekyanga ekya Ankole, Bright Muhumuza eriizooba yaareebekaho omu maisho g'omuramuzi wa kooti y’eidaara ry’okubanza omuri Mbarara.
Bright yateebwaho omushango gw’okuvuga emotoka eya namba UAY Prado atafeireyo ekyabaire nikibaasa kurugiiriramu okutomera Kenneth Kabwigo Gumisiriza, omuduumizi wa Pooriisi ya Mbarara City Division aharuguuto orwa Kyamugorani haihi na Rad Hotel.
Bright Muhumuza yaareetwa omukooti ahagati y’eby’okwerinda by’amaani.
Omushango gwa Bright nigurugiirira aha kikorwa ekyabaire omuri Mbarara ahi arikugambwa kuba yabaire nayenda kuhutaaza Kenneth Kabwigo Gumisiriza.
Ekikorwa eki, nagambwa kuba yakikozire ahabiro 08.11.2025 omu kyaro ekya Kyamugorani omuri Mbarara City.
Bright Muhumuza yaareebekaho omu maisho g’omuramuzi w’eidaara ry’okubanza Ochieng Yafesi kandi yayorezibwa aharumanda kuhisya ebiro 11.02.2026 obu omushango gwe gurikwija kugarukwamu kuhurirwa.
#WestUpdates