Sente za Purezidenti batandikire kuzizaarisamu - Kyenjojo

Sente za Purezidenti batandikire kuzizaarisamu - Kyenjojo

N’ebya Daniel Baingana
Abavugi ba boda boda kuruga omu disiturikiti ya Kyenjojo abarikwegaitera omu kigombe kyabo ekya Kyenjojo Motorcycles Transporters Association baasiima mukuru w'ihanga Yoweri Kaguta Museveni owabaheire sente zirikwingana 20,000,000.

Aba, bwanyima y’okutunga sente ezi kuruga owa Purezidenti, bakacwamu kusiga esente ezi n’ekigyendererwa ky’okuzizaaza kandi bakazikanyisa omubwire bw’omumaisho.

Bakacwamu kugura piki obwa hati ezi barikuguriza aha ‘looni’ obwo abarikuzigura barikushashura ahamagoba makye agarikubaasika kureebeka ngu baashashura baahezayo

Neema Adolf orikwebembera ekigombe eki yaamanyisa TV West ngu omuntu naareeta shiringi 2,000,000 bo bamuteeraho shiringi 4,000,000 kandi ezi naazishashurira ahamagoba makye kumara emyaka 2.

Steven Bagonza, omwe aha ahari babiri abaheebwa pikipiki eizooba erya nyakazooba, yasiima Purezidenti, ou yaagyira ngu akabakiza kampuni za piki ezibeire nizibaha eki yayeta ‘Okubahereka akame bakenda ngu bagaruze ente’.

Geoffrey Bwambale omuhwezi wa RDC ahabwa disiturikiti ya Kyenjojo nuiwe yaakurira okuhayo pikipiki ezi kandi yaahiga abazitunga kuzikozesa kweyiha omu bworo n’okwongyera kushagika emirimo ya Gavumenti.

#WestUpdates