N’ebya Charles Etukuri.

WAKISO

Abantu barikuhika 70 abarikuteekateekwa kuba batwire nibiiba abantu barikukoresa ‘Pavers’ hamwe n’amabaare bakwateirwe omu muhiigo ogukozirwe ebitongore by’okwerinda ogukozirwe omu disiturikiti eya Wakiso aha Sande ebiro 05/05/2024.

Omuhwezi w’omugambirizi wa Pooriisi ya Kampala n’emyanya egiheriire, Luke Owoyesigyire naagira ngu aba bakwateirwe omu muhiigo ogukozirwe omuri Kira Munisiparite kandi abamwe bakomiirwe aha Pooriisi ya Namugongo.

Naagira ngu omuhiigo ogukozirwe gwizireho bwanyima y’okweyongyera kw’ebikorwa by’abainazi kutaahirira abantu na ‘Pavers’ n’amabaare bakabibaho ebintu byabo.

Owoyesigyire nakyoreka ngu ahabw’omuhiigo gw’amakwatane ogukozirwe, abantu 70 bakwatsirwe ahabw’okuteekateekwaho kuba enkozi z’ebihagaro.

“Omu bakwatsirwe, 15 bakwateirwe aha ruguuto orwa Northern Bypass kandi hati bakomiirwe aha Pooriisi ya Kiira Road Police Station. Abantu 55 bakwateirwe omu byaro ebirimu; Naalya, Kyaliwajjala, Kimbejja, na Namugongo, kandi obwa hati bakomiirwe aha Pooriisi ya Kiira divijoni. Abakwatsirwe nibeija kushwijumwa kandi nibeija kutwarwa omu kooti bajunaanwe,” Owoyesigyire arikushoborora.

Owoyesigyire naagira ngu omuhiigo ogu gugyenderiire kugumyaho obusingye b’obuteebekana omu byanga.

#WestUpdates