MUBS etandise bubi mu mpaza za Eastern Africa University Games e Ndejje

Eastern Africa University Games

Ndejje University – Luwero

Omupiira (Abasajja)                                                                                          Kampala University 4-0 Kenya Methodist

Ndejje 5-0 Mountain of the Moon

MUBS 0-1 UCU

BSU 0-4 University of Dodoma

UCU 0-2 Makerere

UMU Nkozi 0-0 YMCA

IUIU 3-1 Kyambogo

Abakazi

UCU 7-0 BSU

Kyambogo 2-2 University of Eldoret

Busitema 0-7 Kampala University

Ggoolo ya Jeromy Kizito (UCU) mu ekitundu ky’omuzannyo ekyokubiri ye yakutudde MUBS mu gy’ekibinja A mwe bali ne; Makerere, Kampala International University, Bugema ne Kibabi University.

Sizoni ewedde (2018) mu mizannyo egyali ku University of Dodoma eya Tanzania, MUBS baakuba Bishop Stuat (2-1) ku fayinolo, omulundi guno nga tebalina mutendesi waabwe Charles Ayiekho eyasuulawo ttiimu gye buvuddeko, essuubi ly’okukyeddiza liri mu lusuubo.

Adam Kato maneja wa MUBS agamba nti ekigwo ekimu tekigaana muto kutambula era bagenda kusigala nga balwana okulaba nga bakung’aanya obubonero ku ttiimu endala ezisigadde mu kibinja okutangaaza emikisa gy’okusigaza ekikopo kyabwe.

MUBS baakawangula eky’omupiira emirundi esatu; 2006 egyali e Kyambogo, 2014 ku UCU Mukono ne 2018.

Emizannyo gino gye gy’omulundi ogwe 12 nga gyagiddwaako akawuuwo eggulo Lwamukaaga ku yunivasite y’e Ndejje mu disitulikiti y’e Luweero. Emizannyo 20 Ggye givuganyizibwako okuli;

Emisinde, Badminton, Basketball, Chess, Darts, Omupiira, Handball, Hockey, Karate, Okubaka, Rugby, Scrable, Okuwuga, Tabla Tennis, Taekwondo, Tennis, Volleyball, Woodball, Goalball ne Beach Handball.

Mu ngeri y’emu abakazi ba UCU Mukono baatandise n’obusungu bungi nga babonereza Bishop Stuart University 7-0, nabo batunuulidde kikopo kya mupiira sizoni eno.