Babiri bakwatsirwe ahabw’okwiba waaya z’amashanyarazi
Pooriisi omu disiturikiti ya Sheema eine omu kihome abantu babiri abarikugambwa kuba baibire waaya z’amashanyarazi omu munisiparite ya Sheema.
Babiri bakwatsirwe ahabw’okwiba waaya z’amashanyarazi omuri Sheema...(Photo by Bruno Mugizi)
Babiri bakwatsirwe ahabw’okwiba waaya z’amashanyarazi
N’ebya Bruno Mugizi
SHEEMA:
Pooriisi omu disiturikiti ya Sheema eine omu kihome abantu babiri abarikugambwa kuba baibire waaya z’amashanyarazi omu munisiparite ya Sheema.
Abakwatsirwe ni Kanzira Owen 29, omutuura wa Nyabikyerere cell, Nyabikyerere ward, omu munisiparite ya Bushenyi-Ishaka na Austin Namara 28, omuvugi wa boda boda obaire natuura omu woodi ya Nyakashambya, divijooni ya Kabwohe.
Ababiri abakwatsirwe na waaya z'amashanyarazi...(Photo by Bruno Mugizi)
Waaya ezi n’eza kampuni ya Kilembe Investments limited, eri ahansi y’ekitongore ekirikureebuza eby’amashanyarazi ekya Electricity Regulatory Authority.
Omwaka oguhwaire, pooriisi ekarangiriira ngu omuntu orashangwe aibire ebyoma by’amashanyarazi naija kucwerwa emishango y’obwitsi n’obuzahambuki omumbuga z’ebiragiro.
Aba bashangirwe na mita 300 z'amashanyarazi z'enyibano...(Photo by Bruno Mugizi)
Omuduumizi wa pooriisi ya Sheema, ASP Consilata Kasule naagira ngu ababiri aba bakwatsirwe na mita 300 za waaya z’amashanyarazi.
#WestUpdates