NDA ekingire amaduuka g’emibazi 75, omwe yaakwatwa n’emibazi ya Gavumenti - Ankole

N’ebya Fatimah Nagudi

MBARARA CITY:

Ekitongore ekirikureeberera omutindo gw’emibazi omu eihanga ekya National Drug Authority (NDA) kyakinga amaduuka agarikuguza emibazi agarikuhika 75 omukikwekweto ekikoriirwe omubicweka bya Ankole.

NDA ekingire amaduuka g’emibazi 75, omwe yaakwata n’emibazi ya Gavumenti - Ankol...(Photo by Nagudi Fatimah)

Ekikwekweto eki kikoriirwe omu disiturikiti eza Ibanda, Kiruhura, Kazo n’omutauni kanso ya Sanga. Aba bakwatsire bokisi z’emibazi 250 ezirikubarirwamu shiringi ezikurenga miriyooni 70.

NDA ekingire amaduuka g’emibazi 75, omwe yaakwata n’emibazi ya Gavumenti - Ankol...(Photo by Nagudi Fatimah)

Arikugambaho n’abanyamakuru aha ofiisi za NDA omuri Mbarara, Abias Rwamwiri, Omugambirizi wa NDA yaagira ngu bakwasire n’omushuubuzi w’emibazi ahari Katamba Human drug shop omuri Ibanda, Ronald Atwine ou bashangire n’emibazi ya Gavumenti erikwejunisibwa abantu abiine akakooko ka sirimu hamwe n’ebintu by’eirwariro ebiriho akamanyiso ka Gavumenti.

NDA ekingire amaduuka g’emibazi 75, omwe yaakwata n’emibazi ya Gavumenti - Ankole...(Photo by Nagudi Fatimah)

Ogu nayongyera agira ngu n’obu gavumenti erikukora ekirikubasika okuta emibazi omumarwariro, emibazi emingi ebicheka 40% - 50% neyibwa etwarwa omumarwariro g’abantu buntu hamwe n’omumahanga gaheeru nka Congo.

Img 0337

Dr. Richard Kiligwajjo na Dr Alfred Akaali nibagira ngu ebikwekweto ebi bigyenderiire kureeba ngu omubazi oguri omumaduuka guri ogw’omutindo murungi, nikwo kushaba abu batweireho emibazi yaabo kushemeza ebihandiiko bakiire emibazi yaabo obwire butakagyenzire ekasiisikara.