Museveni asiimire Amama Mbabazi n’omukazi we ahabw’okugaruzago ekitiinisa kya Uganda.

N’ebya Beth Akatukunda

Purezidenti Yoweri Kaguta Museveni asiimire owabaireho enganzi y’eihanga, John Patrick Amama Mbabazi n’omukazi we, Jacqueline Mbabazi ahabw’omuganda gwabo omu kugaruzaho ekitiinisa kya Uganda ekyabaire kyahwireho, gavumenti ya NRM etakizire mu bwebembezi.

Rt. Hon. Amama Mbabazi n'omukazi we, Jacqueline aha kujaguza emyaka 50 omu bushwere ahari Serena Hotel, Kampala aharwamukaaga ebiro 06/04/2024.

Purezidenti obaire ashendekyereziibwe omukazi we kandi minisita w’eby’obwegyese n’emizaano, Maama Janet Kataha Museveni, ahaireyo okushabe kwe aharwamukaaga ebiro 06/04/2024 aha mukoro gwa Amama Mbabazi n’omukazi we Jacqueline kujaguza emyaka 50 ei bahisya hamwe bari omu bushwere. 

Omukoro ogu gubaire ahari Serena Hotel, Kampala. 

Rt. Hon. Amama Mbabazi n'omukazi we, Jacqueline aha kujaguza emyaka 50 omu bushwere ahari Serena Hotel, Kampala aharwamukaaga ebiro 06/04/2024.

Purezidenti Museveni nabwo atabarukize ababiri aba ahabw’okugira omusingye guhamire gw’amaka hamwe n’okuguma hamwe omu kumara emyaka 50.

Purezidenti Yoweri Museveni aha mukoro gwa Amama Mbabazi n'omukazi we Jacqueline ogw'okuhisya emyaka 50 omu bushwere. Omukoro gubaire aha Serena Hotel, Kampala.

Purezidenti Museveni hamwe n’omukazi we, Janet nabwo bahaire Rt. Hon. Amama Mbabazi n’omukazi we, ente 20 nk’ekirabo ky’okubasiima ahabw’orugyendo oru.

Purezidenti Museveni ahamiize Rt. Hon. Mbabazi ngu tarikubaasa kwebwa omuganda ogu yakozire omu kureetaho empinduka omu eihanga n’obu bagizireho obuteikirizana bumwe obuhingwireho.

Rt. Hon. Amama Mbabazi n'omukazi we, Jacqueline aha kujaguza emyaka 50 omu bushwere ahari Serena Hotel, Kampala aharwamukaaga ebiro 06/04/2024.

Aha rubaju rwe, Rt. Hon. Amama Mbabazi asiimire Purezidenti Museveni ahabw’okubashagika n’okwemerera nawe omuri buri mbeera yoona.

#WestUpdates