PALAMENTI ewadde gavumenti emyezi esatu okwekenneenya ensonga ezikwata ku magye ge yatwala e Somalia okulaba oba Uganda ekyalina ky’egaganyirwamu bw’ogeraageranya n’ensimbi ezissibwamu okugabeezaayo.

Ababaka bagamba nti eky’okusala ku nsimbi z’ensako y’abajaasi abali e Somalia kikosa nnyo enkola y’emirimu gyabwe n’okubamalamu amaanyi.

Amagye gaatwalibwawo mu 2007 okuyamba okulwanyisa abajambula ba Al - Shabab.

Ensako y’abajaasi abasasulibwa ekibiina ky’omukago gw’ensi yonna UN yasalibwa okuva ku ddoola 1028 (eza Uganda zisoba mu bukadde busatu) ne zizzibwa ku ddoola 826 (obukadde nga bubiri n’emitwalo 24) kyokka nga ku zino gavumenti Uganda etoolako ddoola kikumi (emitwalo nga 36) ekitegeeza nti abajaasi bafuna ensimbi ezisobako katono bu bukadde bubiri ababaka kye bagamba nti kitta ‘’molaalo’’.

Lipooti y’akakiiko ka Palamenti ak’ebyokwerinda akakulirwa Judith Nabakooba kategeezezza nti Uganda erina ensimbi z’ebanja ekibiina ky’amawanga amagatte ddoola obukadde nga kkumi (buwumbi 36) ez’okulabirira eby’okulwanyisa.

Ababaka bagambye Gavumenti eddemu okuteeseganya n’ekibiina ky’amawanga amagatte ekya UN wamu n’eky’omukago gwa Bulaaya EU okulaba ng’ensako y’abajaasi eyasalwako ezibwawo kuba ensimbi ze bafuna ntono bw’ogeraageranya ne kye bateekamu eky’okussa obulamu bwabwe mu katyabaga.

Ababaka era baagala gavumenti eyogereganya n’aba UN okulaba nga basasula obuwumbi 36 ez’ebyokulwanyisa bya Uganda ebikozesebwa mu lutalo lw’e Somalia.

Uganda, Burundi, Ethiopia ne Kenya baatwalayo abajaasi baabwe okulwanyisa abatujju ba Al- Shabab.

Zawedde adds value to rosemary spices

Zawedde harvests and dries the spice before taking it to a factory for processing.

Zawedde harvesting rosemary from her home (Photos by Ritah Mukasa)

Tags: