Vision Group ng'eri wamu ne Prestige Margarine basiibuludde Abasiraamu

KAMPUNI  ya Vision Group  etwala n’emikutu gya Bukedde ng’eri wamu ne Prestige Margarine bawadde abasiraamu ebintu by’okusibulukuka okuyita mu Idd Mubarak.

Buli kisiibo ekibeerawo mu mwaka kampuni ya Vision Group eteekawo pulogulamu mu kiseera ky’e kisiibo  gye batuuma Dawa, ng’ekubirizibwa Farid Mpagi ebeerawo ku ssaawa 10:00  okutuuka 11:00 nga bukya abasiraamu mwebadiramu ebibuuzo eby’enjawulo ne bawangula ebira.

Daw 2

Ku mulundi guno aba Prestige  Margarine be bataddemu ssente era nga buli muwanguzi abadde afuna hampa omuli ebintu bya Prestige, okuli siyaggi, butto, sabuuni, ebizigo ne kalonda omulala ssaako ne bbaasa ya 50,000/-.

Abawanguzi 30, be baganyuddwa mu birabo bino era nga byabakwasiddwa ku Lwokutaano ku kitebe kya Vision Group ku First Street ng’omugenyi omukulu yabadde Sheik Shafik  Mafu okuva e Kawempe nga bali wamu ne Yasin Kazibwe owa Prestige ne Farid Mpagi owa Bukedde TV

Daw 6

 Sheik Mafu yawadde abasiraamu amagezi okukola ennyo nga buli kye bakola bakikola mu bwangu kubanga Allah yagamba nti ekiseera ky’enkomerero bwekiriba kinatera okutuuka omwaka gugya kufuka nga omwezi ate omwezi gufukke nga wiiki. Era kati bangi batya okusiiba naye kati balaba ekisiibo kiweddeko.

Daw 7

            Yawadde abasajja amagezi  okugulira bakyala baabwe Sharia n’abaana ku lunnaku lwa IDD kubanga omukyala okukeera ku makya nakufumbira futali mu kiro okumalako omwezi omulamba tekibeera kyangu. Era yabasabye bagulire n’abantu baabwe mu maka ebyokusibulukuka baleme kwekwasa nti obusiraamu tebukkiriza kusibulukuka.

Daw 8

            “Temunywa mwenge mu kiseera ky’okusibulukuka, era mutwale abakyala n’abaana bakyakaleko mu kiseera kino kubanga kitukkuvu ku Idd” Bwatyo Sheik Mafu bweyategeezezza.  

Daw 16

Daw 10