Sheila Gashumba ne muninkini we kata bakube Taata ebibajjo bya laavu!!!

MWANA muwala Sheila Gashumba kata akube kitaawe ebibajjo bya laavu, nganti Ali bulala ne munkini we Ricky Man kitaawe gw’eyalaga nti amulinako obuzibu ku katambi akali kafuluma gyebuvuddeko.

Bino byabadde kabaga mwana muwala Sheila Gashumbz  ke yategese ng'aggulawo edduuka lye eritunda engoye erya 'Gash luxe'  akaabadde mu kibuga Kampala ku luguudo lwa Clement Hill.

Frank Gashumba yatuuse kikeerezi n'afuna we yatudde walako wabula nga muwala we ali ku ludda lulala yenywegera ne mwana mulenzi Rickyman mu ngeri esomooza. Abaabade kabaga kano abatuuse n’okukuba endulu nga basakanya wabula bo tebafaayo.

Gashumba bano yabeetegudde n'ayingira munda  mu dduuka alambuleko wabula nga yabadde akyali eyo ne bagwisanya bwenyi ku bwenyi ne muninkini wa muwala we Rickyman, gye buvuddeko gwe yayita Kony kyokka buli omu teyanyeze munne ne bayising'anya nga baabigwo!!!

Akabaga kano kaabaddeko okwolesa emisono kuba baana bawala beesaze obuwero obulaga emibiri olwo abasajja abeemitima eminafu amalusu ne bamira muganda gattako gattako okutunuza endali naddala ku muwala eyeesaze akagoye akaakatimba nga kumpi buli kimu kiri bweru.

Akabaga kano era kajumbidwa nnyo ba serebu bangi abamanyi ebyemisono omwabade Anita Fabiola, Micheal Nuwagira amanyikidwa nga Toyota akulira ekibiina kya Team Chairman MK Project,  Pia Pounds, Hellen Lukoma, Fik Fameica n'abalala.