Poliisi ekutte 20 abagambibwa okubeera mu bubinja obutigomya Kampala

POLIISI ekutte abavubuka 20, abagambibwa okuba ab’omutawaana ennyo, ababadde batadde ebitundu bya Kampala, Mukono ne Wakiso ku bunkenke. Akulira akabinja kano, Isima Kyeyune abangi gwe bamanyi nga Beckham ate abalala bamuyita Buguman, naye yakwatiddwa n’omumyuka we ayitibwa Musa Mubiru. Bano okukwatibwa kyaddiridde Poliisi n’amagye okukola ebikwekweto mu bitundu eby’enjawulo oluvannyuma lw’okukitegeerako nga baliko minsoni ze bateekateeka okukola.

Cb 2(2)

Omwogezi wa Poliis Fred Enanga, ategeezezza nti waliwo bammemba b’akabinja kano be batta mu bikwekweto byabwe okuli; Farouk Tomusange amanyiddwa nga Otto, Ibra Mugalu amanyiddwa nga Nakwero, wamu ne Arnest. Poliisi egamba nti we bakoledde ebikwekweto ku b’akabinja kano, nga baakenyigira mu bulumbaganyi obw’enjawulo era fayiro nnyingi ze balina ezibakwatako.
Bano okusinga babadde bateega abantu ababa bagenda oba abavudde mu bbanka oba abakozi b’oku ‘mobile money’, ne bababbako ssente, amasimu, n’ebintu ebirala eby’omuwendo.
Okunoonyereza okukoleddwa kulaga babadde baakabba ssente za Uganda akawumbi kamu mu obukadde 17, mu emitwalo 65 ate eza doola za Amerika 174 ne Euro emitwalo 10.Zino okusinga bazze bazibbaku Bachina, Abasudani, Abayindi, abakozi b’oku ‘mobilemoney’ naabo abakola mu‘supermarkets’ oba maduukaagasuubuza ebintu.
Abalala abagambibwa okubeera ab’omutawaana ennyo mu kabinja kano kuliko; Hamis Kinene, Moses Kaliisa amanyiddwa nga Mozey, Edward Kakooza amanyiddwa nga Eddie, Ronald Banasura amanyiddwa nga Beckham, Raymond Mbaziira gwe bamanyi nga Makoona ne Jackson Wadimba amanyiddwa nga Sejjusa oba genero.

Cb 8

BE BASSE:
Kyeyune yagambye nti abamu ku banne be yalukanga bano zi minsoni z’okubba ssente ku bantu baabatta gye buvuddeko okuli; Ibra Mugalu abadde amanyiddwa nga Nakwero, ne Farouk Tomusange abadde amanyiddwa nga Juma Otto, Ramathan Ssebadduka, oba Abdu Aziz Nsubuga. Nakwero, yattiddwa mu bitundu by’e Mengo mu Kampala, nga 2.06.2022.
Kigambibwa nti balina omusajja ayitibwa Emmanuel Kampayini amanyiddwa nga Emma, kondakita wa bbaasi, gwe babadde bakozesa okubakkettera abantu ababa batambudde ne ssente ennyingi oluvannyuma ne bateekateeka engeri y’okuzibabba.
Omusajja omulala ayitibwa Hamidu Lugonvu abangi gwe bamanyi nga Midati, naye yakwatiddwa abeebyokwerinda nga kigambibwa nti y’abadde atuukirwako amasimu gonna agaba gabbiddwa ku bantu mu minsoni ez’enjawulo, oluvannyuma n’agatwala okugatunda mu DR Congo.
Bammemba abalala kuliko; ayitibwa Simple, Mohammed Mpanga, Nyaru, n’abalala.
MINSONI BAZIKOLERA
KU PIKIPIKI
Kyeyune, yategeezezza nti, minsoni zaabwe zonna bazikolera ku ppikipiki, era ng’agamba nti Ibra Mugalu amanyiddwa nga Nakwero, ye yabayingiza mu minsoni zino kyokka poliisi yamusse.
Yagasseeko nti ebiseera ebisinga beewala okukozesa ebissi ebyamaanyi okugeza ng’emmundu, nga kye beewala nti singa babeera bakwatiddwa nga baliko minsoni gye baggusa, kibeera kizibu okubasiba ebbanga eddene basobole okuvaayo batandikire we baakoma.
Yagambye nti waliwo ekifo ekisangibwa e Makindye ne Kaleerwe (jjiimu), gye babatendekera okusitula ebyuma basobole okuzimba emibiri gyabwe kibayambe okwerwanako nga bakozesa ensambaggere, ebikonde, n’ebirala, singa wabeerawo omuntu yenna agezaako okuyiwa minsoni yaabwe gye babeera baliko.
EZIMU KU MINSONI ZE BAKOZElNga 17/05/2022, waliwoomukozi w’oku Mobilemoney ayitibwa PriscillaKobusingye gwe baataayizaku kyalo Kayunga, ng’avaokukola mu bitundu by’eNansana, ne bamubbako ensawo omwali ssente obukadde 20, amasimu asatu (03),Laptop, n’ebintu ebirala.lKyeyune, era yategeezezzanti mu January, 2021, balikoMunnansi wa South Sudan,gwe baataayiza ng’ali nebanne bana ne bamubbakoemitwalo 70 eza UgandalNga May, 2022, banyagaobukadde 5 n’amasimu abiri,okuva ku munnansi wa SouthSudan omulala.
Okunoonyereza kulaga nti, waliwo kondakita wa bbaasi ayitibwa Emmanuel Kampayani, akola mu kkampuni ya bbaasi eya Concorde, akolagana n’akabinja kano ng’abakkettera omugwira yenna gwe bateebereza okuba ne ssente eziwerako, ng’atambulidde mu bbaasi yaabwe, basobole okumubba nga yaakafuluma bbaasi. Era akabinja kano kalina ba mbega baako ku ppaaka za bbaasi.

Isma Kyeyune

BABATENDEKERA MAKINDYE NE KALEERWE 

Wadde nga kigambibwa nti balina emmundu ekika kya AK47, akabinja kano kizuuliddwa nti balina ebifo mwe batendekebwa (gyms) mu divizoni y’e Makindye ne Kaleerwe ne mu divizoni y’e Kawempe. Emu ku mmundu, poliisi yagizudde wa Sania Nansikombi, omu ku jjajja wa mmemba waabwe ng’agikukulidde mu nsawo mu kisenge mw’asula mu bitundu by’oku Kaleerwe.
ABALALA ABAAKWATIDDWA:
Badru Kamukama, Deo Yiga, Bernard Nganizi, John Sseruuma, Kuzaifah Walusimbi amanyiddwa nga Kuuza, Moses Kaliisa, Katongole amanyiddwa nga Susu, Peter Luutu, Musa Kawampa, Ronald Banasura, Sam Katongole, Samuel Anguzu n’abalala.