Amawulire
Nnamwandu wa Paasita Ssenfuma abotodde ekyama
Nnamwandu w'omusumba Stephan Ssenfuma ow'ekkanisa ya UCC abotodde ekyama bw'ategeezezza abakunguzi nti bba abadde ayagala nnyo okufa era yamufumbirwa akimanyi nti bba ayagala okufa wadde nga teyamanya ddi lw'alifa.
Favour ng'ayogera ku bba kati omugenzi Ssenfuma
By: Patrick Kibirango, Journalists @New Vision
Nnamwandu Favour Ssenfuma ,bino abibulidde abakunguzi ku kkanisa y'omugenzi Ssenfuma e Kasubi ku mukolo ogwategekeddwa okusabira omwoyo gw'omugenzi.
Favour agambye bulijjo ne bwe baba batambudde bonna ne bagenda ku mukolo gw'okuziika ng'omwami amutegeeza nti yeegomba okubeerako mu sanduuko awulire ababeeramu bwe bawulira era essaala ye etuukiridde.
Omugenzi Ssenfuma yafudde ku Lwomukaaga nga yafiiridde mu ddwaliro e Nakasero kyokka Favour agambye nti bba teyafudde Covid-19 wadde ng'obulwadde obwamusse bwava ku Covid eyamuluma n'aleka ng'akosezza amawugwe ge.
Okusaba kwetabiddwamu abasumba ab'enjawulo okubadde; Bishop David Kiganda, Omusumba Martin Ssempa, Omutume Joseph Sserwada, Bishop Joshua Lwere, Omutume Micheal Kimuli n'abalala nga bano batenderezza omugenzi olw'okubeera omusajja abadde ali ku musingi gw'Obulokole omutuufu.
Dsc 0242
1624803155202 Omugenzi Ssenfuma
Dsc 0247