Kenzo akubye ab'e Mukono omuziki n'abaggyako ennyota y'omuggalo

OMUYIMBI Eddie Kenzo ajjuzza Colline Hotel e Mukono n’ebooga  Omulundi gwe ogusoose okuyimba oluvannyuma lw’emyaka ebiri egy’omuggalo ogwaleetebwa ekirwadde kya COVID 19,

Kenzo ng'akuba abadigize omuziki ku Colline Hotel e Mukono

Kenzo abadde ku Colline Hotel e Mukono kyokka ekivvulu kino kijjuzza ekifo ne kibooga n’abamu ne batuuka okubateerawo entimbe okusobola okugoberera ebigenda mu maaso ku siteegi anti nga tebalaba bulungi olw’abantu ababadde abayitirivu.

Eddie Kenzo e Mukono

Kenzo yalinnye ku siteegi ssaawa mukaaga ogw’ekiro mu ttumbi n’annyuka munaana ogw’ekiro kumpi nga bukedde. Yayimbye ennyimba era abadigize bavuddewo bakkirizza nti ddala ali ku ddaala lya nsi yonna. Abali ba ssente okuva mu Kampala, Mukono, Wakiso n’ebitundu ebirala bonna babaddeyo.

Madrat And Chicko mu kivvulu kya Kenzo e Mukono

Mu bamu ku bano mwe muli omukagga w’e Mukono Johanness Agenonga, omusambi w’omupiira eyagunnyuka ku ttiimu ya Cranes Hassan Wasswa Mawanda, omuvuzi w’emmotoka z’empaka Bwete owa Kawunyemu Rally Team n’abalala bangi.

Abadigize nga banyumirwa omuziki gwa Kenzo ku Collin Hotel e Mukono

Mu badigize mwe mubadde ne bannansi ba Germany nabo abayagadde kunyumizibwa kyabadde Mukono. 

Abadigize nga basala omuziki mu kivvulu kya Kenzo e Mukono ku Colline Hotel