Fr. Kambagira asabye Abakristu okunyweza empagi enkulu mu kisiibo
Abakristu bakedde kweyiwa ku lutikko e Rubaga okwetaba mu kitambiro kya mmisa eky'okusiiga evvu beetegekera okutandika ekisiibo eky'omwaka guno ekigenda okulungula ennaku 40
Abantu nga bayimba mmisa
By Ponsiano Nsimbi
Journalists @New Vision
Abakristu bakedde kweyiwa ku lutikko e Rubaga okwetaba mu kitambiro kya mmisa eky'okusiiga evvu beetegekera okutandika ekisiibo eky'omwaka guno ekigenda okulungula ennaku 40.
Mmisa ekulembeddwaamu omumyuka wa Bwanamukulu Fr.Alex Kambagira akubirizza Abakristu okukozesa ekiseera kino eky'ekisiibo okunyweza empagi enkulu okuli ey'okwegayirira ,okusiiba okwenenya n'okukola ebikolwa eby'ekisa.
Let 2
Fr.Kambagire akuutidde abakkiriza okweggyamu omuze ogw'okweraga nti basiiba n'abagamba nti okusiiba okutuufu kuli wakati wa buli muntu ne Katonda we mu mutima gwe.
Asabye abakkiriza okukozesa ekiseera kino okusabira emirembe mu mitima gyabwe n'ensi yonna nga beenenya n'okumanya nti omukama mwetegefu okusonyiwa buli omu nga bweyakola eri abo abakkiriza okugoberera Noah ne Yonna Katonda n'abawonya okuzikirira.