Eyabbye omwana e Sonde bamukwatidde Mbale ng'amutwala ku mutunda!
Apr 15, 2024
POLIISI erondodde n'ekwata omuvubuka eyabbye omwana wa mukamaawe ow'emyaka 3 n'alekera bazadde be akapapula mbu agenze ku mutunda.
Luke ng'annyonnyola
POLIISI erondodde n'ekwata omuvubuka eyabbye omwana wa mukamaawe ow'emyaka 3 n'alekera bazadde be akapapula mbu agenze ku mutunda.
Bino byabaddewo ku Lwomukaaga omuvubuka Suleiman Sserwadda bweyagenze mu maka ga mukamaawe Juma Kayongo abeera mu Kikulu zooni e Sonde n'alimba abakozi b'awaka n'abaggyako omwma Ahmed Nsimbe nti yabadde alagiddwa okumutwala mu kibuga.
Amyuka Omwogezi wa poliisi mu Kampala n'emirirwano Luke Owoyesigyire agambye nti oluvanyuma lw'okubba omwana taata we Juma Kayongo yatuukiridde poliisi e Seeta naggulawo omusango okunoonyereza ne kutandika nga abaserikale basoose kukwata bakozi bawaka okubadde Doreen Namata ne Joanita Nabaggala okuyambako mu kunoonyereza.
Yagambye nti mu kubnoonyerza abaserikale baazudde akapapula Sserwadda keyawandiiseeko nti omwana yabadde agenda kumutunda afune ssente.
Yategeezezza nti mu kunoonyereza poliisi yalondodde simu ya Sserwadda n'ezuula emirongooti gyebadde eri ne bamulondoola n'akwatibwa nga atuuse e Mbale n'omwana Nsimbe gweyabadde abbye.
Yagambye nti Omwana Nsimbe yakomezeddwawo n'akwasibwa bazadde be ate nga Sserwadda akyakuumirwa ku poliisi e Mbale nga bwe balinda okumukomyawo ku poliisi e Mukono avunanibwe omusango gw'okubba omwana
No Comment