EKIBUGA kyajagaladde ab’emmundu bwe baasazeeko ekitundu ne batuuka n’okulowooza nti oba Pulezidenti y’ayitawo kumbe babbi be bakoze misoni
ey’okubba bbanka ya Equity kyokka olukwe ne lugwa butaka.
Ababbi baasazeeko enguudo ne bawamba bbanka ya Equity ku Main street e Soroti ku kkuboeridda e Mbale ekyaleese akajagalalo akaalabiseemu nga firimu za katandika butandisi.
Bino byabaddewo ku ssaawa 9:00 mu kiro ekyakeesezza Olwokubiri, ababbi ab’emmundu bwe baasazeeko bbanka obudde ne budda ku bunnaabwo.
Akola ng’omwogezi wa poliisi mu kitundu kya Kyoga East, Edison Obukulem yagambye nti baabatemezzaako mangu ne batuuka ku bbanka ne bazingako ekizimbe
okuli bbanka.
Obudde we bwakedde bakasitoma n’abakozi ba bbanka eno baasanze abapoliisi n’amagye nga be bakuuma ekitundu nga n’enguudo ezeetoolodde bbanka bazisazeeko.
Ab’amaduuka, abawooteeri, saluuni n’abakozi abalala mu kibuga baajagaladde nga balaba ekigenda mu maaso emirimu ne gisannyalala nga n’embwa ya
 yeetala.
Omwogezi wa Poliisi mu ggwanga, Fred Enanga yagasseeko nti wadde ababbi baabadde bazze n’amaanyi, baalemeddwa okubba ekintu kyonna ne badduka.
Gye byakkidde ng’abakuumi babiri ab’ekitongole ekikuuma bbanka bakwatiddwa okuyambako mu kunoonyereza era waliwo n’omukuumi omulala agambibwa nti yadduse nga kati poliisi emunoonya. Capt. Moses Emeju akwanaganya eby’ekikessi mu bitundu by’e Teso ye yakulembeddemu eggye lya UPDF okunoonya engeri ababbib gye baaluse pulaani y’okubba n’engeri gye baabuzeewo kusooka poliisi yagezezzaako okuyingira mu bbanka wabula bwe yalemereddwa kwe kuyita eggye lya UPDF okuyambako.
Olwo baabadde balowooza nti ababbi beesibidde munda mu bbanka, kyokka Capt. Emeju yakulembeddemu amagye agaagyesozze ne bakakasa nti ababbi badduse embeera n’edda mu nteeko.
Omumyuka wa RDC wa Soroti East, Edwin Benesa yeewuunyizza bbanka eno obutabeera na kkamera za CCTV okulaba embeera y’ebyokwerinda okwetooloola
bbanka. Maneja wa ttabi lya bbanka eyo, Francis Erumu yakakasizza nti tewali kyabbiddwa