Ebijambiya bisattizza abe Komamboga

ABATUUZE b'e Komamboga baalajanidde ebitongole  by'okwerinda ku ekibinja  ky'ebijambiiya ekibayingirira mu mayumba n'okubateeka mu ma kubo ne babanyagulula

Abatuuze be mu muluka  gwe komamboga mu minisipaali ye kawempe  bagamba ekitundu kirimu ebibinja by’abamenyi b’amateeka abenjawulo , abanyakula amassimu n’obusawo ku nguudo , ababba ebirime n’ebisolo  ng’abasinze okubateeka ku bunkenke be  bebijambiiya nga bano bambala n’obukookolo ne babayingirira mu mayumba  ne babanyagulula .Omulangira Herbert Kimbugwe  ssentebe wa LCll mu muluka  gwe Komamboga yalambuzza Bukedde enfo abakyamu mwe basinzira nategeezza nti abamu ku batuuze abaalozezza ku bukambwe b’ebijambiiya baawaliriziddwa okwetegula ekyalo ne basengukira awala okutaasa obulamu .

Omutuuze eyakoleddwako obulumbaganyi ng'ali ku kitanda apooca n'ebiwundu

Yagasseko nti  ensonga eno baagiteegeezza poliisi ebatwala eye Ssekannyonyi ku mayiro mukaaga ku luguudo lwe Gayaza nga tewali mukyamu yenna ku bebijambiiya yali akwatiddwa ekyongedde okuteeka abatuuze ku benkenke ng’ekibinja kino kiyingirira abatuuze n’ebijambiiya nga bataddeko n’okukookolo nga bw’ekituuka ku bakazi abamu n’akaboozi kabakakibwa .

Luke Owesigyire omumyuka w’omwogezi wa poliisi mu kampala n’emiriraano agamba nti ebikwekweto bikolebwa mu kitundu ekyo ng’abatuuze bwe balaba nga poliisi y’omu kitundu erina byebusizza amaaso basoboola okugenda  ku poliisi ye kawempe ne bekubira enduulu

Noah Mukasa ssentebe  wa LC1 ye Komamboga Central  yagambye nti mu kitundu  bakafuna amaka asatu agemulugunya ku b’ebijambiiya ng’abamu baatusibwako ebisango ne babanyagulula ebintu  by’omunju ng’abakyamu bano baana  nzaalwa za ku kyalo we yasabidde abazadde okufaayo okulondoola abaana baabwe bye bakola .

Latifa Nalubega omu ku baayingiriddwa akabinja  kano yagambye nti essaawa zabaadde ssaawa  8 ez,ekiro  nga teyawuliddeko ngeri gye baanyingiddemu yabekangidde munda nga baabadde  bana ng’abasatu baabadde bambadde obukookolo nga bakutte ebiso ne bamusaba ssente n’essimu  nga munju yabaddemu  50,000 n’azibawa ng’ekyamuyambye obutatusibwako bulabe teyabaakayanyizza obwedda buli kye bamusaba ng’akibawa