Beegasse ku PASS PLE Club za Bukedde ne batendereza

AMASOMERO gongenda okwegatta ku kibiina kya Bukedde Pass PLE Club omwegattira amasomero ageeyunira okukola ebibuuzo bya Pass PLE ebifulumira mu lupapula lwa Bukedde buli lwa Mmande n’Olwokuna.
Essomero lya Twinbrook Schools e Kiteezi lye lyakasemba okwegatta ku Club eno nga lirina abayizi 227 abagenda okukola ebIgezo bya P7omwaka guno.
Abakozi ba Bukedde nga bakulembeddwa omu ku bavunaanyizibwa ku kutunda amawulire mu Vision Group, Andrew Kamukama baatuuseeko ku ssomero lino ku L wokusatu okulaba abayizi n’abasomesa bwe beeyambisa Pass PLE mu kusomesa abayizi.
Baasanze abayizi bakubaganya ebirowoozo nga beeyambisa akatabo ka Pass PLE ng’eno bwe bayambibwako abasomesa baabwe.
Omukulu w’essomero lino, Lilian Bukenya yatunnyonnyodde nti omwaka oguwedde bwe baatandika okukozesa akatabo ka PASS PLE, wabula okusinziira ku bibala bye baafuna ku ngeri abayizi gye baayitamu , ebigezo byabwe, tebejjusa kuyingira Club eno.
Yagambye nti, n’omwaka guno essuubi lye balina mu kukozesa Pass PLE ddene nnyo n’agamba nti bakakasa nga bwe bakeekwata bagenda kwongera okufunamu ennyo kubanga bakizudde ng’omutindo gw’ebibuuzo ebirimu gw’egwo ogulagirwa minisitule. Yakunze amasomero n’abazadde nabo okukettanira bakungule ku bibala ebikalimu.
Omukunga’aanya w’olupapula lwa Bukedde Micheal Mukasa Ssebbowa yakubirizza amasomero okwegatta ku nkola eno ng’okugyegattako ogenda mu lupapula lwa Bukedde mulimu akalango akassibwamu okuli n’ennamba y’essimu kw’okuba n’obeera nga wegase butereevu ku nteekateeka eno.
Yagasseeko nti abayizi bwe basoma nga bakozesa akatabo kano bafunamu
ebirungi bingi omuli okutegeera obulungi nga beesomesa, okuyiga okwogera mu bantu n’okufuna obukugu obunaabayamba okuvuganya obulungi mu nsi eno.