"Bannadiini temutya kusoomoozebwa kwe muyitamu"
Faaza w'e Kiggo kya Our Lady of Fatima e Kayunga, Emmanuel Walakira asabye bannaddiini obutaggwaamu maanyi olw’okusoomoozebwa kwe bayitamu n’embeere y'ensi nga bw'etambula ensangi zino.
Fr. Emmanuel Walakira okuva mu Our Lady of Fatima Kayunga nga asabira abagenzi. Ekif:Khasifah Naava
By Bukedde Omusunsuzi
Journalists @NewVision
Bya Khasifah Naava
Bino Faaza yabyogeredde mu mmisa gye yakulembedde ey'okujjukira omugenzi Deogracius Musoke Walusimbi eyava mu bulamu bw'ensi eno gye buvuddeko e Nakaziba Kayunga ku Ssande.
Faaza Walakira yagambye nti yadde Covid 19 yatuyisa bubi naye tulina okuddamu okutambula kubanga kunsi kuliko ebinnya, enkonge, obusozi n’ebisomooza bingi naye tebirina kutuggya ku mulamwa.
Fr. Emmanuel Walakira okuva mu Our Lady of Fatima Kayunga nga asabira abagenzi. Ekif:Khasifah Naava
Bwanamukulu Walakira yayongeddeko nti ebizibu tebirina kutwerabizza Mukama Katonda n'agamba nti alabye bangi nga bwe babeeramu n’obuzibu nga obwa ssente ne mu masinzizo tebagenda ekintu ekikyamu.
Yakubirizza n'abavubuka okwegendereza ennyo amakubo ge bayitamu n'abasaba okubeera abagumikiriza kubanga bino eby’ensi tebyetaaga kupapira ate bakimanye nti tebiggwaayo , buli lunaku bayiyaayo ekipya.
Yasabidde abafu Mukama Katonda okubatuusa mu ggulu era wano we yasabidde n'abakyali abalamu obuteegayaazanga kusabira bafu kubanga abafu baba beetaaga abalamu mu kubasabira kwokka.
Abamu ku b'enganda abeetabye mu kusabira abagenzi e Kayunga Nakaziba