Bagamba 'amazzi bulamu nga tosula Bwaise!!' Laba ababeera mu bitundu bya Kampala n'emiraano bwe babonaabona n'amazzi mu biseera by'enkuba

ABAKULEMBEZE mu munisipaali ezikola Kampala balabudde  ku bifo eby’obulabe mu kiseera ky'enkuba efudemba obutasalako.

Gye buvuddeko ab’embeera y’obudde baalangiridde ng’enkuba  bw'egenda okutonnya nga tesalikako okusinga bw'ebadde etonnya .

Minisipaali ezikola Kampala ziri 5; okuli  Kawempe , Nakawa , Lubaga , Makindye ne Kampala Central  nga bammeeya  abazikulembera balaze ebifo eby’obulabe abantu bye balina okwegenderezza mu kiseera kino ng’enkuba etonnya  buli kadde .

Emmanuel Sserunjogi mmeeya w'e Kawempe   yagambye nti  gavumenti erina  okukomya okwonoona ssente  z’omuwi w’omusolo mu bintu ebitayamba bannayuganda  yawadde eky’okulabirako ekya baagenze  mu lukungaana lwa UN bantu 72   ng’abantu 5 bandibadde bamala ,

Ebimu ku bifo eby’obulabe kuliko ku Nkulungo y’okubiri , ekkubo eriva ku kyuma kya Nsamba eky’emwanyi e Kawempe   okudda Kazo Central  ow’ekidduka , atambuza ebigere  enkuba bw'eba etonnye totawaana kulikozesa  , e Mpererwe ku kkanisa y'Abakulisitaayo , Mugalu zooni e Nammere  , Kyebando Nsooba , Kanyanya ku kyuma kye bye nnyanja , ku Mayiro 6  ku luguudo lwe Gayaza  wano amazzi ganjaala saako ne ku mayiro 7 ku Mbuzi , oluguudo lwa Kawaala oluva e Bwaise ku Ssatu okudda e Kawaala , ekkubo lya Chez Jonson , ekkubo lya Muganzi Lwazza  amazzi ganjaalamu ,ekkubo eriva e Bwaise ku bitaala okudda e Nabweru  ku mwala Nakamiro  tosoboola kusala  oba olina kulindako.

Amazzi Nga Ganjadde e Kiteetika Ku Cementers (1)

Buli Muntu Ng'anoonya Wayita Ku Mayiro 6 Ku Luguudo Lwe Gayaza (1)

Omutuuze E Kyebando Ng'asena Amazzi

Isima Nsanja, omumyuka wa ssente wa Ssebina zooni ng'alambula abantu be abakoseddwa amazzi

Abapangisa nga bayimiridde ku mifeebeeto oluvannyuma lw'amazzi okubasalako