Abatemu b'emmundu basse munnansi wa Somalia ewa Bbakuli

ABATEMU b’e mmundu balumbye abatuuze e Bbakuli mu Kisingiri zooni munisipaali y’e Lubaga ne bakuba omuntu omu amasasi agamusse n’omulala ne bamukuba essasi mu mukono naddusibwa mu ddwaliro nga biwala ttaka.

Bino bibaddewo mu kiro ekikeesezza olwaleero ng’abantu abakoleddwako obulumbaganyi bannansi ba Somalia ng’afudde ye Muhad Laban 40 ate ali mu ddwaliro ajjanjabibwa ye Muhamad Hassa 17.

Abasirikale nga bali webattidde omusomaali

Kigambibwa nti ku ssaawa 10:00 ez’okumakya ng’obudde bukya omu ku basumaali aguddewo oluggi lw’emanju okugenda mu kiyogo okwetaawuluza olwo abattemu ne besogga ennyumba.

Be basanzeemu mukwagala okwetaasa olwo abatemu ababdde n’emundu egambibwa okubeera ey’ekika kya bbasitoola ne basumulula amasasi okukakana nga Laban ate Hassan ne gamukwata mu mukono ng’abaduukirize babatutte mu ddwaliro lye Mengo nga biwala ttaka.

Poliisi ya Old Kampala ng’ekulembeddwamu agitwala Tyson Lutambi n’ebitongole by’ebyokwerinda ebirala basazeeko ekitundu era ne baleeta ne mbwa ekonga olusu okuzuula abattemu bano wadde embwa terina kyamaanyi kyesobodde kuzuula.

Kansala akiikirira ekitundu kino Kamya Dar Clark ategeezezza nti obumenyi bw’amateeka n’obubbi bisusse mu kitundu kyabwe nga buli lunaku wabaawo alumbwa.

Bano basabye baddizibwe poliisi y’omukitundu eya Bakuli Community poliisi gye bagambye nti okuva lweyagibwawo basula ku ttebuukye.

Poliisi ekyagenda mu maaso n’okunoonyereza ku ttemu lino.