Abalongo n'obuzannyo bwabwe obubuzaabuza

Nnyaabwe Nnaalongo  Nanyonga agamba nti, ‘nazuula nga bwe babeerako n’olugendo nga  mbagambye nti balina okulya emmere ne bagimalawo tulyoke tugende,  Babirye alya mangu emmere eyiye n'agimalawo.

Nannyonga n'abalongo nga bawere

Bw'amaliriza nalya n'eya Kato n'agimalako ku ssowaani  ne bandaga nti bamalirizza. Nakizuula luvannyuma nti  katemba gwe bakola   naye bwe wabeerawo abalaba nga balya okutuusa lwe bamaliriza okulya .

Nannyonga n'abalongo be, Babirye (ku kkono) ne Kato

Babirye  nakizuula luvannyuma nti  abasomesa bwe babawa eby’okukola awaka  Babiye akola mangu ebibye mu kitabo n’abimaliriza oluvannyuma n'akola n'ebya  Kato  n'abimala ebitabo ne babitereka. Nakyo  nakizuula  ne tumugaana okumukolera kubanga kyali kizza Kato emabega.

Abalongo bwe benkana kati

Wabula Kato tayinza kwebaka nga tatuuseko mu kisenge kya Babirye kumusiibula nti asule  bulungi . Ne bw'omuwalaawala  agende yeebake akomawo n'asiibula ku mulongo munne asule bulungi . Wabula Nnaalongo agamba nti gye bakoma okwagalana ate gye bakoma okulwanagana.