Abakyala be Bwaise baloopedde omubaka Malende byebayitamu oluvannyuma lw'Abasajja okubasuulawo
May 08, 2024
Abakyala be Bwaise mu division ye Kawempe balaajana olw'Abasajja okubasuula mu mayumba ne babalekera obuvunaanyizibwa bw'okuddukanya amaka.
Abakyala be Bwaise nga bali n'omubaka Malende
Lawrence Kitatta
Journalist @Bukedde
Abakyala be Bwaise mu division ye Kawempe balaajana olw'Abasajja okubasuula mu mayumba ne babalekera obuvunaanyizibwa bw'okuddukanya amaka. Abakyala bano bagamba nti wakati mu bizibu ebingi byebatubiddemu omuli embeera embi mwebawangaalira ey'omugotteko, obutaba na mirimu n'ebiseera ebimu nga ekyokulya kibula.
Mslende ng'ali mu bakyala be Bwaise
Ebizibu bino n'ebirala babittottoledde Shamim Malende obubaka wa disitulikiti ya Kampala bwabadde abasisinkanye okulaba engeri gy'asobola okukwatagana nabo okusitula embeera yaabwe mu kitundu.
Malende yategeezezza Bukedde nti mu kiseera kino amaanyi bagatadde ku kuyamba abakyala abatalina busobozi kufuna bikozesebwa mu malwaliro nga bagenze okuzaala, nga babawa Mama Kit zibayambeko, okubayamba okukola ebibiina n'okubasomesa kungeri y'okusituka mu byenfuna okusobola okulaba nga beeyimirizaawo
Abakyala be Bwaise ne bali n'omubaka Malende
Kuno Malende yabagattiddeko okubawaayo ku buyambi obw'emmere n'ebirala ebikozesebwa nga bwebabayambako ne mu bintu ebirala mu bulamu bwa bulijjo.
No Comment