Abakuumaddembe muweereze eggwanga n'obwesimbu - Sheikh Sulaiman Ndirangwa
Supreme Mufti eyawummula Sheikh Sulaiman Kasule Ndirangwa asabye abakumaddembe okukola n'obwesimbu emirimu gyabwe nga baweereza eggwanga.
Sheikh Sulaiman Kasule Ndirangwa n'omuserikale
By Martin Kizza
Journalists @New Vision
Okwogera bino abadde akyaliddeko abasirikale ku police ye Katwe okubebeza emirimu gyebakola okukuma abantu ne bintu byabwe wamu n'okubawa obubaka bw'ekisibo.
Ono abasabye okukukuuma ekitiibwa ky'ekisiibo nga bakola ebyo omusiibi by'alina okukola omuli okukuuma obuntubulama saako n'obutakozesa bubi ofiisi zaabwe.
Sheikh Ndirangwa era asinzidde wano ne yeebaza omukulembeze w'eggwanga okuvaayo n'alwanirira abantu ku nsonga y'emize gy'obugwenyufu omuli obufumbo bw'ebikukujju n'asiima n'omubaka wa Palamenti owa munisipali ye Bugiri Asuman Basalirwa olwamanyi ge yatademu okuyiisa ebbago.
Ate ye akulira okunoonyereza ku buzzi bwemisango ku police ye Katwe Isa Ssenono asiimye Mufti okubakyalirako n'okubawa obubaka bw'ekisiibo ekiraze nti basiimwa emirimu gye baweereza eggwanga era n'asaba n'abakulembeze abalala okulabira ku Sheikh Ndirangwa.
