Abadde agenda okuvuganya ku ky'omubaka we Lwengo afiiridde mu kabenja
May 08, 2024
ABADDE yakalangirira okuvuganya ku kifo ky'omubaka omukyala owa Lwengo Agness Nuspha Tweteise afiiridde mu kabenje akaagudde ku kyalo Katovu bweyabadde ava ku luguudo oluva e Mbarara ng'adda mu makaage Kyawagonya-Piida e Lwengo.
Agnes Nuspha Tweteise nga bwabadde afaanana
ABADDE yakalangirira okuvuganya ku kifo ky'omubaka omukyala owa Lwengo Agness Nuspha Tweteise afiiridde mu kabenje akaagudde ku kyalo Katovu bweyabadde ava ku luguudo oluva e Mbarara ng'adda mu makaage Kyawagonya-Piida e Lwengo.
Kigambibwa nti ddereeva we abadde amuvuga yekanze ekinnya mu luguudo n'agezaako okukiwugula ng'ate avuga ndiima,emmotoka gyeyamulemeredde ne yesoleka mu kiwonko bwetyo ne yefuula enfunda eziwera.
Emmotoka oluvannyuma lw'okkola akabenje
Bombiriri baddusiddwa mu ddwaliro e Lyantonde bwatyo Agness Nuspha Tweteise naafa nga yakatuusibwa mu ddwaliro olw'ebisago ebyabadde bimubunye omubiri ng'ate bivaamu omusaayi mungi.
Mmotoka kika kya Toyota Nnamba UAU 698V yeyaremeredde omugoba waayo neyefuula ennume y'ekigo
Abatuuze n'abakulembeze bakungubagidde omugenzi gwebagambye nti babadde bamusuubiramu bingi omuli n'okukyusa ekitiibwa kya lwengo bafune omubaka abateeseza.
Omugenzi abadde musawo mutendeke era ng'afudde asuubiza bannalwengo okutumbula eby'obulamu,eby'enjigiriza n'okubunyisa amazzi amayonjo.
Ekifo kino abakyakiramuza okukivuganyaako kukyaliko akyakutte enkassi omubaka Cissy Namujju.Shamim Kavuma Nnyinamashillingi nga yesentebe wa Nrm e lwengo ne Olivia Mugabe munnamateeka omutendeke.
Okufa kw'omugenzi Tweteise kulesse ebibuuzo bingi ku mitima gya bannalwengo era bamukungubagidde mu makaage ng'eno gyagenda okuva aziikibwe ku kyalo Buyanja mu disitulikiti ye Lyantonde
No Comment