Aba Rotary ye Kanyanya bawadde Abasiraamu ku muzikiti gw'e Mpererwe eby'okusiibulukuka

ABA Rotary Club ye kanyanya  baddukiridde abasiraamu be Mpererwe n’eby’okusibulukuka ne basaba abantu obutasosola mu mawanga na ddiini kuba omutonzi ali alyo  ne bakubirizza n’abantu okusiiba kuba ly’erimu ku ddagala eriwangula buli mbeera mbi.

Aba Rotary ye Kanyanya nga bawaayo eby'okusiibulukuka

Ronald Ngobya Mukasa pulezidenti wa Rotary Club of  Kanyanya  eyakulembeddemu ba mmemba ba Rotary yategeezezza nti waliwo abantu abasosola mu ddiini n’amawanga kye yagambye nti kikyamu kuba omutonzi alimu ng’abantu balina kuba bumu mu buli mbeera ng’omusiraamu bw’aba alina obwetaavu tekigaana mukatuliki ku muddukirira , yagambye nti Rotary yonna munsi tesosola bweba eyamba abantu eyambira wamu .

Dan Maziga pulezidenti Rotary ye Kanyanya  addako yagambye nti mu kiseera kino abasiraamu  bali mu kisiibo n'abakatuliki nga tekirina w'ekiganira ab'eddiini endala okusIibulula abasiraamu ne bwekiba  nga mu bintu bye baatwalidde abasiraamu mulimu ensaniiya, obuddomoola obukozesebwa okufuna wuzu, eby’okusibulukukirako , kuluhani n’ebirala

Bannalotale be Kanyanya nga boogerako eri Abasiraamu

Geofrey Kulubya akwasaganya eby’amawulire mu Rotary ye Kanyanya  yagambye nti okusiiba ly’erimu ku ddagala eriwangula buli kizibu  n’asiima n’abasiraamu  okusomesa abantu okubeera obumu , Akim Kaduyu lmam w'omuzikiti gwe Mpererwe nga yatwala ne twale rye Mpererwe  , yagambye nti buli lunaku basibulula abantu 200 n’omusobyo  n’asiima aba Rotary olw’okubaddukirira  n’abakakasa nti omuntu omugabi katonda  amusasula