Ab'ekibiina kya Rotaty International bawadde KCCA  awaadi nga bakisiima okutakabanira eby’enjigiriza, eby’obulamu n’okuduukirira omuntu wa bulijjo atalina mwasirizi.

Awaadi eno yaweereddwayo ssentebe wa Rotary mu ggwanga Ismael Mukasa ku mukolo abakungu ba KCCA abaweera ddala kwebetabye ogwabaddewo ku Lwokubiri ku “Employment Bureau”  ku luguudo lwa Ssezibwa mu Kampala.

Omu ku Banna – Lotale abagundivu mu Uganda, Peter Kimbowa, abetabye ku mukolo guno yagambye nti  ekitongole kya KCCA kye kimu ku bitongole ebikulembeddemu  okutakabanira obuntu bulamu era ne yeebaza akikulira Dorothy Kisaka okukikulembeera obulungi KCCA.

Nnankulu wa KCCA Dorothy Kisaka ne team ye yonna eya KCCA ku mukolo gw'okubakwasa engule

Omukolo guno  gwetabiddwako ne Gavana wa Rotary , Peace Taremwa ne Gavana URZ Herzog  okuva e Switzerland.

            Kisaka yeebazizza aba Rotary International, okuvaayo ne basiima emirimu gya KCCA ng’ekitongole  era ne yeeyama okwongera okulaba nga KCCA eyongera okutuusa ku bantu ba bulijjo obuweereza mu ngeri zonna ez’obuntu bulamu gattako okukuuma ekibuga Kampala nga kiyonjjo (Smart City)