'Tutwire nitugamba ngu Among n’omushomankuzi' - Ssenyonyi

'Tutwire nitugamba ngu Among n’omushomankuzi' - Ssenyonyi

N’ebya Simon Peter Tumwine, KAMPALA

Owaayebembeireho orubaju oruhakani omu ishengyero Joel Ssenyonyi yaayakiira okucondooza okuriyo nikubaho omu ishengyero n’okurikukwata ahari Hon. Anita Annet Among obaire ari sipiika.

Ssenyonyi yaagira ngu omuncuro ehwaire, ab’orubaju oruhakani batwire nibagamba ku Anita Among ari omushomankuzi kandi omushuma beitu ngu hoona abarikukwatwaho amatu bakagatamu ebiti

“Tutwire nitukigamba ngu Among n’omushomankuzi kandi omushuma. Tutwire nitugamba ahaburi bw’enguzi kwonka abu kirikukwataho batari bamwe na bamwe bakaguma bahunami. Nkahaandiikiraho owaabeire kariisho-riisho wa gavumenti, Betty Kamya, ndikumumanyisa ahanguzi eri omu ishengyero kwonka akaguma nandaganisa kukora okucondooza beitu tihaine kyabaireho,” Ssenyonyi nikwo yaagira.

Ssenyonyi yaayongyera yaagira ngu, nk’aba National Unity Platform, okucondooza okukwatiraine n’oburi bw’enguzi ahari Anita Among nibakwakiira.

"Okucondooza oku ah’ishengyero n’ahari Among nitukwakiira, kwonka titushemereirwe munonga ahabw’okuba abashuma baingi bakiriyo okwo kandi nibeetaagwa kucondoozibwa bakakomwa,” Ssenyonyi nikwo yaagira.

Ssenyonyi yaagira ngu enshonga ei Among ariyo naacondoozibwaho ti habw’okuba omushomankuzi beitu n’ahabw’okugira ngu abaire aine ebigyendererwa by’okwesimba ahabwa Purezidenti omubiro by’omumaisho.

Ebi byagambwa obu abeebembezi b’ekibiina kya National Unity Platform baaba bari ahari Makerere Kavule omurukiiko rw’abanyamakuru.

#WestUpdates