Pooriisi nehiiga abarikuteekateekwa kuba baitsire abashuma- Mbarara.
Aba Pooriisi bahikire aha mwanya nikwo kushanga omutumbi gw'omushaija owateekateekwa kuba omushuma gubyami omu kahanda ka 'guest house'.
Kasasira naagira ngu omutumbi gwatwarwa omu kabafu ah'irwariro erihango erya Mbarara kukyeberwa obwo okucondooza kurikugyenda omu maisho. Photo by Fred Turyakira.
By NewVision Reporter
Journalists @NewVision
N'ebya Fred Turyakira
MBARARA
Pooriisi omuri Mbarara City South Divijoni eriyo nehiiga abantu abarikuteekateekwa kuba baitsire omuntu oteekatekirwe kuba omushuma.
Omugambirizi wa Pooriisi ahabwe'ekyanga ekya Mbarara, Samson Kasasira naagira ngu Pooriisi ya Nyamityobora etungire ngu hariho omuntu oitsirwe ahari JAC Willis Lounge omu kyaro ekya Kabateraine omuri Nyamityobora woodi.
Aba Pooriisi bahikire aha mwanya nikwo kushanga omutumbi gw'omushaija owateekateekwa kuba omushuma gubyami omu kahanda ka 'guest house'.
Nikigambwa ngu omugyenzi abaire aibire emyenda kuruga omu guest house kandi ekikuunga omusisa ky'abantu bamukwata bamuteera arikugyezaho kuhuunga bwanyima y'okuhurira enduuru.
Kasasira yajumirira ekikorwa ky'abantu kutwarira amakuru.
Naagira ngu omutumbi gwatwarwa omu kabafu ah'irwariro erihango erya Mbarara kukyeberwa obwo okucondooza kurikugyenda omu maisho.
Abdu Kangura, ceeyamaani w'ekyaro ekya Kabateraine yaagira ngu omushaija oitsirwe abaire atarikumanywa mu kyaro kye.
Byansi Muhammad, kansara orikujwekyera Nyamityobora na Kakoba yaashaba Pooriisi n'ebindi bitongore by'okwerinda okugaruzaho za potoro z'ekiro kubaasa kurwanisa obwitsi n'obushuma omu rurembo.
#WestUpdates