Amakuru
Owaahumwiire amahe, ayitsire mugyenzi we ahabw'amatatu g’esente - Kiruhura
Nikigambwa ngu, ababiri aba, babaire nibazaana amatatu agarimu omusingo gwa sente.
Rtd sergeant James Kakooza naahiigwa ab'eby'okwerinda ahabw'okuteekateekwaho kuba aitsire Agabe Eric omuri Nshwere Rushere Kiruhura. PHOTO: PAUL TURYAMUREEBA
By: NewVision Reporter, Journalists @NewVision
N’ebya Paul Turyamureeba
Akagwe kagwereire abantu ba Nshwere-Mpango omu tauni kanso ya Rushere omuri Kiruhura bwanyima y’omukozi kwita mugyenzi we ahabw'okuzaana amatatu ga sente.
Orugire omumagara g’ensi egi y'amanywa nka Agaba Erick, ow'emyaka 36, obaire nariisa amatungo ga faamu y’omugyenzi, Aidah Ikiriza. Nyakumwita, ni rtd sergeant owaarugire omumahe ga UPDF, kandi ori manegya wa faamu y’amatungo niyo emwe.
PHOTO: PAUL TURYAMUREEBA
Nikigambwa ngu, ababiri aba, babaire nibazaana amatatu agarimu omusingo gwa sente. Eric nikwo kusinga mukama we beitu ku agiire kumubanja sente ezi amuteireho, James nikwo kumuzimwima. Aho niho okurwana kutandikiire kandi hoona okurugiriiremu okufa kwa Eric.
Ahi twaza kutungira amakuru aga, omubisha ogu, yaaba atakacweirwe riisho kandi ab’eby’okwerinda bari ahamuhiigo kureebeka ngu yaakwatwa kandi yaabonerezibwa nk’oku ebiragiro birikuragiira.
#WestUpdates