Omworeko gwa Bride & Groom gugarukire omurundi gwa 17

N’ebya Jackie Nalubwama na Andrew Tushabe

Obu akatabo ka Bride & Groom kashohora omurundi gw’okubanza omugwa 2004, abantu bakakaakiirakurungi munonga. Hakaba hariho enjara mpango y’okwenda kumanya ahabirikukwata ahambaga n’emikoro y’okugaitwa – kuruga ahabutimba bw’abagore, syuti z’abashaija, amasaaruuni, ebishushani by’embaga, emigaati y’abagore, hamwe n’okwenyiriza ahamaisho.

Bwanyima y’emyanya mikye omugwa 2009, Vision Group ekagaruka eshaara z’abantu nikwo kureetaho omworeko gwa Bride & Groom ogugumiizemu gurikubaho okuhisya omurundi gwa 17 omugwa 2026

Omwaka ogu, omworeko nigwija kubaho ebiro 26 kuhisya ebiro 28.06.2026 ahari UMA Multipurpose Hall ahamutwe gwa “Orugyendo rwa rukundo, n’omuka”.

Omukurinda eki omworeko gukozire kumara emyaka, omurundi ogu hoona nagwo nigwija kugira ebiconco bitari bimwe na bimwe ebirimu za honeymoon, obutimba bw’abagore, empeta, emigaati y’abagore n’ebindi bingi.

Lorraine Tukahirwa, orikukurira eby’obutare ahabwa Vision Group, naagira ngu omworeko gw’eby’abagore nigworeka ekigyendererwa ky’okuhwera ebyanga byaitu kutunguuka.

Oyihireho abarikuha obuheereza ahamikoro kworeka ebintu byabo, omworeko nigwija kuba gwine n’abarikukora ahamikoro n’abandi abarikushuubura ebintu by’emikoro omuby’okwehunda, okukyakara hamwe n’ebintu by’omuka ahabw’okuba omworeko gwa Bride & Groom nigurenga ah’izooba ry’okugaitwa.

Mbwenu omworeko nigwija kuba gwine abakugu omuby’amaka, abakugu omubya ruzaaro, emiteekateekyere mirungi, ebya inshuwarensi, empiiha n’ebindi bingi ebi abakundaine barikwetaaga kuhaburwaho na munonga ebya bwanyima y’okugaitwa, obugyenyi n’emikoro

#WestUpdates