Omwegi wa Rwampara Vocational SS afiire, Pooriisi necondooza.
Nikigambwa ngu ahabiro 09/09/2023, omugyenzi akaheebwa shiringi 640,000 kuza kushashura fiizi y'eishomero beitu akazikoresa kubi nikwo kusharamu kweshereka owa nyinento ahi abazaire be bamushangire omu kiro bakamuteera mpaka buseesire.
Kasasira naagira ngu ishe w'omwana ofiire, yaaherize kukwatwa kubaasa kuhweraho Pooriisi omu kucondooza kwayo omu mushango ogu.
By NewVision Reporter
Journalists @NewVision
N'ebya Omushaki Weitu
RWAMPARA
Pooriisi omu disiturikiti eya Rwampara eriyo necondooza okufa kwa Besisira Davis, 18 , omwegi ah'ishomero erya Rwampara Vocational SS.
Besisira n'omutuura w'omukyaro ekya Bushenyi omu muruka ogwa Nyakabare omu gomborora eya Rugando omu disiturikiti eya Rwampara.
Nikigambwa ngu ahabiro 09/09/2023, omugyenzi akaheebwa shiringi 640,000 kuza kushashura fiizi y'eishomero beitu akazikoresa kubi nikwo kusharamu kweshereka owa nyinento ahi abazaire be bamushangire omu kiro bakamuteera mpaka buseesire.
Besisira aizire kucungurwa kansara w'ekicweka eki kandi agarukire yayoherezibwa ah'ishomero beitu embeera ye eyeyongyeire kuba mbi nikwo kumutwara ah'eirwariro erya Kinoni shaaha 8 z'ekiro ahabiro 23/09/2023 ahi afeereire shaaha 10 z'akasheeshe ka Sande.
Samson Kasasira, Omugambirizi wa Pooriisi ahabw'ekyanga ekya Rwizi naagira ngu omutumbi gwa Besisira gutwairwe omuk'abafu ah'irwariro erihango erya Mbarara kukyeberwa.
Kasasira naagira ngu ishe w'omwana ofiire, yaaherize kukwatwa kubaasa kuhweraho Pooriisi omu kucondooza kwayo omu mushango ogu.
#WestUpdates