Omwegi agwire omu mugyera gwa Rwizi omuri Mbarara.
Ku bahikire aha mugyera ogu, Nuwamanya yahika najuura emyenda nikwo kuza omu maizi kuziha beitu eky’obusaasi agwire omu maizi yaafa.
Omwegi agwire omu mugyera gwa Rwizi omuri Mbarara.
By NewVision Reporter
Journalists @NewVision
N’ebya Omushaki weitu
MBARARA
Pooriisi omuri Mbarara eriyo neronda omutumbi gw’omwegi ogwire omu mugyera gwa Rwizi.
Samson Kasasira, Omugambirizi wa Pooriisi ahabw’ekyanga ekya Rwizi naagamba omugyenzi nka; Yokana Nuwamanya, omwegi ah’eitendekyero erya Ankole Institute omuri Mbarara.
Nikigambwa ngu omugyenzi we na bataahi be babaire bagiire omu tauni ya Kirehe trading Centre kuzaana Pool ahari shaaha nka 8 z’eihangwe aharwamukaaga ebiro 30.11.2024 na bwanyima nikwo kusharamu kuza kuziha amaizi omu mugyera gwa Rwizi ahari shaaha nka 10 z’omwabazyo.
Ku bahikire aha mugyera ogu, Nuwamanya yahika najuura emyenda nikwo kuza omu maizi kuziha beitu eky’obusaasi agwire omu maizi yaafa.
Bataahi be bairukangire bagaruka ah’eitendekyero kugambira abarikuryebembera abaizire bakamanyisaho Pooriisi.
Ahitugire kuhandikira amakuru aga nyomwebazyo ebiro 02.12.2024, Pooriisi ebaire ekiriyo neronda omutumbi gw’omwegi ogu, Okurugiirira ahari Kasasira.
#WestUpdates