Omwana w'ameezi 4, obaire ayibirwe, yazoorwa poorisi omuri Isingiro
Aineamaani Mackline, omwishiki w’emyaka 22 abeihabeihire omukozi w’omuka ku aza kugurira omwana ‘yoghurt’ nikwo kuburaho n’omwana
Omwana w'ameezi 4, obaire ayibirwe, yazoorwa poorisi omuri Isingiro
By NewVision Reporter
Journalists @NewVision
Poorisi y’orurembo rwa Mbarara omumatemba beegaitsirweho orubaju orwa ‘Flying Squad’ baatooza kandi baatunga omwana, Musika Ayan Male, owameezi 4, mutabani wa Namatovu Sifa na Bombo Bruhan aba Rwebiihuro, Rwemigina omururembo Mbarara, eriizooba ahari shaaha 7 z’eihangwe omumuruka gwa Kagaaga Ngarama omuri Isingiro.
Omwana ogu ayibirwe ebiro 9.12.2024 ahari shaaha 5 z’akasheeshe obu nyina abaire agiire kukora omukatare ka Koranorya. Nyakuteekateekwaho, Aineamaani Mackline, omwishiki w’emyaka 22 abeihabeihire omukozi w’omuka kugyenda akagurira omwana ‘yoghurt’ beitu ahi agiire kugarukira, nyakuteekateekwaho abeire yaabuzireho n’omwana.
Poorisi baabaasa kutooza nyakuteekateekwaho kandi nikwo kumukwatira omu disiturikiti ya Isingiro ahi abeire atwaire omwana iba, nka nyina.
Omwana yaagarurirwa nyina kandi omugambirizi wa Poorisi y’ekyanga ekya Rwizi, SP Samson Kasasira, yaarabura abantu kuza ahabuzoora-maisho bw’abaana baabo
#WestUpdates