Omwana owabuzire azoirwe bwanyima y’emyaka 5.

N’ebya Jeff Andrew Lule

Omwana orikugambwa kuba abaire amazire emyaka 5 abuzire arugireho yazoorwa ekitongore ekya Criminal Investigations Department's (CID), ekya Sexual and Gender-Based Violence hamwe n’ekya Anti-Human Trafficking departments.

Omwana ogu naagambwa kuba atwire ayesherekire ishe kumara emyaka 5 bwanyima y’okwakiirwa nyina omu kwezi kwa 4 omu mwaka gwa 2018 kuruga ah’eishomero.

Omwana w’omwishiki orikumanywa nka; Bethany Nimurungi, obwahati oine emyaka 9 akiihwa ah’eishomero erya Asili Memorial Nursery and Primary School omu disiturikiti eya Kabale omu kwezi kwa 4 omu mwaka gwa 2018,Okurugiirira aha kihandiiko ekishohoziibwe Omugambirizi wa Pooriisi, Fred Enanga.
 
Omu bwire obwo, nyina wa Bethany, Mercy Kilande, akaba aherize kutaana n’omushaija we, Tadeo Ruzindantaro, kandi akaza omu eihanga erya South Africa.

“Nyina akaza South Africa kandi akasiga yashereka omwana ogu ow’omunyabuzaare we omu mwanya ogutaramanyirwe. Omwana ogu akiihwa ah’eishomero ishe ataine eki arikuamnywa,” Enanga arikushoborora.

Nakyoreka ngu omuhiigo gukatandika kandi omwana akiija yamanywa ahu ari kandi azoirwe ebiro 22/09/2023 omu maka ga munywani wa nyina, Phionah Rukundo, omuri Manyangwa, Gayaza omu disiturikiti eya Wakiso bwanyima y’emyaka 5.

Enanga naagira ngu omwana ogu haine omwanya ogu arindiirwemu. 

“Nituza kwiha siteetimenti aha muntu otwire nareeberera omwana. Turiyo nitugyezaho n’okwiha siteetimenti ahari nyina w’omwana ogu okiri South Africa hamwe n’ishe w’omwana otwire nahiiga omuhara kumara emyaka 5,” Enanga arikushoborora.

Okurugiirira aha byahikireho omu mushango ogu, Enanga naagira ngu faayiro y’omushango eyoheereziibwe owa DPP kubahabura eky’okukora.

#WestUpdates