Omushaija wa Banda akwateirwe obushuma bw’enamba z’ebiruka omuri Kampala.
Maara Gerald, akwateirwe omu kyaro ekya Banda B1 bwanyima ya Pooriisi kucaaka amaka ge wiiki ehwaire.
Omushaija wa Banda akwateirwe obushuma bw’enamba z’ebiruka omuri Kampala.
By NewVision Reporter
Journalists @NewVision
N’ebya Omushaki Weitu.
BANDA, KAMPALA
Omushaija w’emyaka 25 ari omu kihome kya Pooriisi bwanyima y’okukwatwa omuri Banda omu rurembo Kampala ahabw’okugira akakwate n’okwiha emotoka n’enamba z’ebiruka (Number Plates).
Maara Gerald, akwateirwe omu kyaro ekya Banda B1 bwanyima ya Pooriisi kucaaka amaka ge wiiki ehwaire.
'Tuzoire enamba z’ebiruka ezirikuteekateekwa kuba zayihirwe aha motooka zitari zimwe omu buhenda biragiro nainga zayihirwe ahamotoka z’enyibano,” Omugambirizi wa Pooriisi eya Uganda, Kituuma Rusoke.
Ahabiro 17.09.2024, Tazib Rajab, omutuura w’omu muruka omuri Nakawa Divijoni ashangire emotoka ye ehandiikirwe omu namba ya UAM 203Y etariho enamba yaayo ey’omu maisho.
Omugambirizi wa Pooriisi ya Uganda akyorekire ng ku ahikire aha motoka, yashangaho akapapura kakye kariho enamba y’esimu kandi ku ateire enamba egyo, omuntu yagikwata yamushaba kusindika enamba aha simu eri aha kapapura.
Rajab acwiiremu kuhababa omushango ogu aha Pooriisi oatakashashwire esente ezi omushuma amushabire. Bwanyima y’okutwara omushango ogu aha Pooriisi, tukozire okucondooza nikwo kukwata Maara Gerald,” Kituuma asiimire Rajab ahabw’okurahuka kumanyisa Pooriisi.
#WestUpdates