Omukazi oyokize omwijukuru ahabwa mukene yatsindikwa aha rumanda- Namayingo.

N’ebya Omushaki weitu

NAMAYINGO

Omukazi omuri Namayingo oyokize omwijukuru w’emyaka 8 arikumutura okwiba mukene yasindikwa aha rumanda omu kihome ekya Buyingi.

Omwana ogu ow’omwishiki atungire amasya aha mikono kandi airukangiziibwe omwirwariro okutunga okuragurirwa.

Arikurebukaho omu kooti, Margret Akodai yayikiriza okuba ayokize omwana ogu nikwo kusindikwa aha rumanda kuhisya ebiro 14.05.2026.

Omugambirizi wa Pooriisi ahabw’ekyanga ekya Busoga East, Micheal Kasadha yagira ngu omukazi ogu (Margret Akodai) naruga omu kyaro ekya Mugabe omu muruka ogwa Bugoma omu dsiturikti ya Namayingo ahi ekikorwa eki kibaire aha Sande ebiro 03.05.2026 shaaha nka 4 z’akasheeshe. 

Omwana ogu atungire obuhuta bwamasya ahangaro zombi n’aha matama nikwo kwirukangizibwa ah’eirwariro okutunga okuragurirwa.

Ah’eizooba eri omukazi ogu ayokiizeho omwana, Akodai otwire naatuura n’omwijukuru ogu n’abandi baana abaire atekire eby’okurya kandi bwanyima y’okurya kyamushana, abikireho mukene ei bararye kyakiro. 

Arugire omuka yaaza kukora emirimo ye kandi ku agarukire omuka yashanga emboga bazirya.

Kwaburize ekyabaho, abandi abaana bamugizire ngu omwijukuru ogu niwe aziriire.

Akodai obaire aine ekiniga akomire omwana ogu n'emiguha, yarundaana amashansha yamwosya.

Kasadha nagira ngu baariranwa barebire omwana arikusya nikwo kuteera enduru eshombire abatuura abarimu na ceeyamaani w’ekyaro ekyo, Obadiya Wajuri abaizire bakacungura omwana ogu.

 Ceeyamaani ahababire enshonga egi aha Pooriisi ya Bukana abaizire bakamukwata. Na bwanyima, Pooriisi ya Namayingo etwire faayiro y’omushango omu kooti.

Kwabuziibwe ahi ishe w’omwana ogu ari, Akodai agambiire Pooriisi ngu tarikumanya ahu ari.

#WestUpdates