Omukazi akwateirwe okwiba omwana wa mwine-nyina omuri Wakiso.
Amongin nagambwa kuba amanyise aba famire ngu aizire kukora ahabintu bye eby’endanga muntu y’eihanga ahansi y’entebeekanisa eya “Express Service”.
Pooriisi ekwatsirwe Brenda Amongin orikugambwa kuba ashangirwe n’omwana wa mwine-nyina. Courtesy Photo.
N’ebya Omushaki weitu
WAKISO
Pooriisi ecungwire omwana w’omwojo w’ameezi 3 orikugambwa kuba abaire ayibirwe omu kyaro ekya Kireka D omuri Kira Municipality omu disiturikiti eya Wakiso.
Pooriisi nabwo ekwatsirwe Brenda Amongin orikugambwa kuba ashangirwe n’omwana ogu.
Nikigambwa ngu aha biro 04.05.2026, Amongin obaire arugire omu disiturikiti eya Kalaki agiire kutaayaayira mwine-nyina Akunyo Sarah.
Amongin nagambwa kuba amanyise aba famire ngu aizire kukora ahabintu bye eby’endanga muntu y’eihanga ahansi y’entebeekanisa eya “Express Service”.
Aha biro 05.05.2026 shaaha nka 8 z’eihangwe, Akunyo Sarah (nyina w’omwana) ashohwire aheeru nikwo kusinga omwana omunju abyami.
Ku agiire kugaruka, ashangire omwana ataruho kandi nyakuteekateekwa nawe (Amongin) abaire ataruho.
Bwanyima y’okumanyisaho Pooriisi, nyakuteekateekwaho aizire yakwatirwa omu disiturikiti eya Soroti. Omwana obaire ayibirwe ashangirwe arigye ataine buremezi bwona.
Racheal Kawala, Omugambirizi wa Pooriisi ya Kampala n’emyanya egiheriire nagira ngu okucondooza okwahikireho nikworeka ngu nyakuteekateewaho (Amongin) akabiiha omushaija we ngu aine enda.
Ahabiro 02.05.2026, Amongin nagambwa kuba ashabire omushaija we esente arikumugira ngu naaza omwirwariro kuzaara.
Amongi obwahati ari omu kihome kya Pooriisi kandi neija kuteebwajo emishango obwo entebeekanisa z’okugaita omwana ogu na famire ye kurikugyenda omu maisho.
#WestUpdates