Omuhagizi wa Arsenal afeeriire omu mikono y’omuhagizi wa Man U.

N’ebya Omushaki weitu

KAMPALA

Pooriisi omuri Kampala eriyo necondooza okufa kw’omuvugi wa boda-boda ow’emyaka 34 bwanyima y’okurwana okubarukireho baheeza kugira obuteikirizana aha tiimu z’omupiira eza Bungyereza.

Omugyenzi amanyirweho erya Denis ryonka, omutuura wa Bakuli omuri Kampala Central Division afiire Orwamukaaga omu mwabazyo bwanyima y’okuhanisana ebigambo na Musiraamu.

Okurugirira ahari Pooriisi, ekikorwa eki kibaireho shaaha 12:30 z’omwabazyo ebiro 24.05.2026 omuri Bakuli, Rubaga Division omuri Kampala.

Okucondooza okwahikireho nikworeka ngu Denis orikugambwa kuba abaire ari omuhagizi wa Arsenal agizire obuteikirizana na Musiraamu orikugambwa kuba nahagira tiimu ya Manchester United.

Obuteikirizana obu burugiriiremu okurwana ahi Musiraamu arikugambwa ateire Denis aha mutwe ekireteireya yaagwa kihuumura akafeeraho.

Omugambirizi wa Pooriisi ya Kampala n’emyanya egiheriire, Racheal Kawala nagira ngu okucondooza kuriyo nikugyenda omu maisho kandi okukwata nyakuteekateekwaho okibuzire kuriyo nikugyenda omu maisho.

Nagira ngu omutumbi gw’omugyenzi gutwirwe omu kabafu ah’eirwariro erihango erya Mulago kukyeberwa.

Ekikorwa eki kizireho omu bwire obu abahagizi ba Arsenal omunsi yoona bariyo nibajaguza tiimu yaabo okutwara ekikopo kya English Premier League omu myaka 22.

#WestUpdates